Irulegiko irratia

Irulegiko irratia
Kokalekua	Donibane Garazi
Igorpen eremua	Nafarroa Beherea
Frekuentzia	91.8 / 94.3 / 100.7 / 94.2
Errepikagailuak	Aldude, Aiherra eta Donapaleu
Lehen emisioa	1982
Hizkuntza(k)	Euskara
Entzuleak	21.000 entzule
Afiliazioak	Euskal Irratiak
Senidetutako estazioak	Xiberoko Botza, Gure Irratia, Antxeta irratia eta Amikuzeko irratia
Webgunea	https://irulegikoirratia.eus

Irulegiko irratia kudeatzen duen elkartea 1981ko azaroan sortu zen, eta lehen emankizunak urte hondarrean zabaldu zituen Nafarroa Beherean den Irulegi herriko Menta etxaldetik.

Bi helburu nagusirekin sortu zen irratia: alde batetik, Euskal Herriko barneko aldearen bizitza sustatzea komunikazio tresna parte-hartzaile baten bidez eta, bestetik, kinka txarrean den euskarari merezi duen premiazko tokia eskaintzea komunikabideetan.

Entzun eremua eta entzule kopurua emendatu da urtetik urterat: gaur egun antena nagusiak (91,8 Mhz) eta hiru errepikagailuek (Aiherran 97,4tan Donapaleun 94,2tan eta Alduden 100,7tan) irrati emankizunak hedatzen dituzte Nafarroa Behere osoan, Lapurdi barnealdean eta Baiona-Angelu-Miarritzen. Duela zenbait urte SIADECOk egin inkestaren arabera, 21.000 entzule zituen irratiak.

Denetariko programazioa segurtatzen dute irratiko 10 langileek eta horiekin ari diren 60 laguntzaileek (herrietako berriketariak, kiroletako kolaboratzaileak, kronika egileak eta emankizun egileak). Gainera 300 jendek laguntzen dute urteko sostengu kanpaina egiten Nafarroa Behereko 70 herrietan.

Azken urte hauetan elkarlana handituz joan da Xiberoko Botzarekin eta Gure Irratiarekin. Hirurek elkarrekin sortu dute Euskal Irratiak izeneko federazioa. Geroztik sortu den Antxeta irratia ere federazioko kide da.