Jesus Aranbarri Garate

Artikulu hau Bizkaiko musikagileari buruzkoa da; beste esanahietarako, ikus «Jesus Aranbarri».

Jesus Aranbarri Garate
Bizitza
Jaiotzako izen-deiturak	Jesús Arámbarri y Gárate
Jaiotza	Bilbo, 1902ko apirilaren 13a
Herrialdea	Bizkaia, Euskal Herria
Heriotza	Madril, 1960ko uztailaren 11 (58 urte)
Hezkuntza
Hizkuntzak	gaztelania
Jarduerak
Jarduerak	orkestra zuzendaria eta musikagilea
Enplegatzailea(k)	Madrilgo Goi Mailako Errege-Musika Kontserbatorioa

Jesus Aranbarri Garate (Bilbo, Bizkaia, 1902ko apirilaren 13a - Madril, Espainia, 1960ko uztailaren 11) musikagilea izan zen. Zazpi kaleetan jaioa, auzokidea zuen Miguel de Unamuno idazlearen laguna izan zen. Aita musikaria zen, eta bera ere musika arloan murgildu zen gaztetatik, Academia Vizcaína de Música delakoan ikasketak eginez eta geroago Jesus Guridiren beraren ikaslea izan zen, Parisera ikastera ere animatuko zuena.

Hamasei urterekin, pianoa jotzen ibili zen zinema mutuko filmak lagunduz. Geroago, Bilboko Udal Bandan ibili ondoren, Bilbao Orkestra Sinfonikoaren zuzendari bihurtu zen.

Gaur egun jaioterriko Solokoetxe auzoko kontserbatorioak bere izena darama. Halaber, 2003ko ekainean Euskalduna Jauregian "Sorgin-Morgin, Aker-Maker" izeneko dantza ikuskizuna aurkeztu zuten Aranbarriren omenez, laguna izandako Segundo Olaetaren izena daraman ballet konpainiak egindakoa.

Lanak

• "Cuatro Improptus"
• "Canto Elegíaco" (1930)
• "Cuarteto"
• "Gabonzar Sorgiñak" (1930)
• "Minueto y Rondo"
• "Ocho Canciones Vascas" (1931)
• "Aiko-Maiko" (balleta, 1932)

Ikus, gainera

• Euskal Herriko musika klasikoa
• Bilbotar ezagunen zerrenda

Kanpo loturak

• "Olaeta balleteko sorginak Jesus Aranbarriren omenez"

• Datuak: Q2586570