Juan Bautista Eguzkitza

Juan Bautista Eguzkitza
Bizitza
Jaiotza	Lemoa, 1875eko azaroaren 28a
Herrialdea	Bizkaia, Euskal Herria
Heriotza	Lemoa, 1939ko abuztuaren 12a (63 urte)
Hezkuntza
Hizkuntzak	gaztelania euskara
Jarduerak
Jarduerak	apaiz katolikoa eta idazlea
Kidetza	Euskaltzaindia
Sinesmenak eta ideologia
Erlijioa	Erromatar Eliza Katolikoa

Euskaltzaindiaren 1927ko bilera. Goian: Orixe, Jean Elizalde, Seber Altube, Julio Urkixo eta Erramun Olabide. Behean: Juan Bautista Eguzkitza, Bonifazio Etxegarai, Resurreccion Maria Azkue eta Georges Lacombe.

Juan Bautista Eguzkitza Meabe (Lemoa, Bizkaia, 1875eko azaroaren 28a - 1939ko abuztuaren 12a) euskal idazle eta itzultzailea izan zen.

Juan Bautista Eguzkitzaren omenezko hilarria, Lemoako Andra Mariaren elizaren ondoan.

Biografia

Zornotza eta Gasteizen egin zituen apaiz-ikasketak, 1879-1899 urteetan. Sardá y Salvanyren obra bat itzuli zuen Garbitokiko arimaren illa izenburupean, 1915. urtean. Handik lau urtera euskaltzain izendatu zuten. Kirikiño saria jaso zuen 1930. urtean Emakume Euskotarrak artikuluari esker. 1933. urtean bizkaierara itzuli zuen Frantzisko Balzolak gipuzkeraz eginiko Argi Donea otoitz-liburua. Bi urte geroago, Gizarte auzia: ugazaba eta langille arteko gora-berak gai sozialak azaltzen dituen obra eman zuen argitara (1935).

Artikulu ugari idatzi zuen Ekin, Jaungoiko Zale, Euskera, RIEV eta Yakintza aldizkarietan. Gramatika-legeei estu lotu zitzaien idazle garbizalea zen Juan Bautista Eguzkitza.

Lanak

Saiakera

• Gizarte-auzia (1935, Jaungoiko-Zale)

Erlijioa

• Garbitokiko Arimaen illa (1915, Grijelmo Alargun eta Semeak)

1919

• Andra Maria'ren Loretako Illa (1919, Jaungoiko-Zale)

Artikulugintza

• Emakume euskotarrak (1930, Yakintza)

Kanpo loturak

• Juan Bautista Eguzkitza literaturaren zubitegian

Erreferentziak

• Datuak: Q3187574