Juan Luis Zabala
Juan Luis Zabala | |
---|---|
![]() | |
Bizitza | |
Jaiotzako izen-deiturak | Juan Luis Zabala Artetxe |
Jaiotza | Azkoitia, 1963ko uztailaren 24a (61 urte) |
Herrialdea | ![]() |
Hezkuntza | |
Hizkuntzak | euskara gaztelania |
Jarduerak | |
Jarduerak | idazlea, kazetaria, blogaria, poeta eta filologoa |
Jasotako sariak | ikusi
|
![]() ![]() |
Juan Luis Zabala Artetxe (Azkoitia, Gipuzkoa, 1963ko uztailaren 24a - ) euskal idazle, kazetari eta blogaria da.
Biografia
Euskal Filologiako ikasketak egin ditu. 1986-1988 bitartean euskara irakasle izan zen Andoaingo Zine eta Bideo Eskolan. Geroztik, Euskaldunon Egunkarian eta Berrian egin du lan, kultura saileko erredaktore gisa.
Liburuez gain, artikuluak idatzi ditu hainbat aldizkari eta egunkaritan.
1994an Rikardo Arregi kazetaritza saria irabazi zuen, Kroaziari buruzko erreportaje-sail batengatik.
Hainbat literatur genero landu ditu. Aipatzekoak dira Zigarrokin ziztrin baten azken keak (1985, 1984ko Azkue saria), Kaka esplikatzen (1989), Galdu arte (1996), eta Agur, Euzkadi (2000), eleberriak; Ahanzturaren artxipelagoa (1987), Gertaerei begira (1988), Sakoneta (1994, Tene Mujika saria), eta Harri barruko bihotz-borrokak (1999), narrazioak; Hautsia natza (2000, Felipe Arrese Beitia saria), poesia; Federico Garcia Lorcaren Poeta New Yorken(2003), itzulpena; Jesus Mari Artze, ttakunaren esku isila (2003), biografia; Inon izatekotan (2006), artikulu-bilduma.
Idazlanen zerrenda
Narrazioa
- Ahanzturaren artxipelagoa (1987, Elkar)
- Gertaerei begira (1988, Elkar)
- Sakoneta (1994, Susa)
- Ospa (2017, Susa)
Nobela
- Zigarrokin ziztrin baten azken keak (1985, Elkar)
- Kaka esplikatzen (1989, Elkar)
- Galdu arte (1996, Susa)
- Agur, Euzkadi (2000, Susa
- Txistu eta biok (2016, Algaida)
Poesia
- Hautsia natza (2000, Euskaltzaindia BBK)
- Harri barruko bihotz-borrokak (1999, Elkar)
- Bideak, aldapak eta bihurguneak (2007, Elkar)
- Zabaleko txorimaloa (2011, Elkar; Maite Gurrutxagak ilustratua)
- Mozoloaren bakardadea (2012, Erein, Begoña Durrutyk ilustratua)
- Aita oker dago (2014, Erein, Begoña Durrutyk ilustratua)
Itzulpena
- Poeta New Yorken; Federico Garcia Lorca (2003, Erein)
- Akiles eta dortoka; Seve Calleja (2010, Alberdania)
- Catherine Certitude; Patrick Modiano (2016, Erein)
Biografia
- Jesus Mari Artze, ttakunaren esku isila (2003, Zumarte)
- Maltzeta, soinu bete bihotz (2013, Trikitixa Elkartea)
Bilduma
- Inon izatekotan (2006, Susa): Hau da bere blogean egindako artikuluek osatutako liburua.
Bloga
"Inon izatekotan" izena du eta "Berria" egunkariaren komunitatean dago sartuta.
Kanpo loturak
Erreferentziak
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/26 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.