Julen Gabiria

Wikipedia, Entziklopedia askea
Julen Gabiria
Julen Gabiria idazlea 2009an.jpg
Bizitza
Jaiotza Galdakao1973ko urtarrilaren 19a (48 urte)
Herrialdea  Bizkaia, Euskal Herria
Hezkuntza
Hizkuntzak gaztelania
Jarduerak
Jarduerak idazlea eta itzultzailea

Literaturaren Zubitegia: 182

Julen Gabiria Lara (Galdakao, Bizkaia, 1973ko urtarrilaren 19a - ) bizkaitar idazle eta itzultzailea da.

Itzultzaile eta idazle, nobela eta itzulpena jorratu du orain arte. Eusko Jaurlaritzan, IVAPen egiten du lan.

Bizitza[aldatu | aldatu iturburu kodea]

Julen Gabiria Connemara gure bihotzetan liburuaren idazlea da. 1973ko urtarrilaren 19an jaioa, Galdakaon, idazle bizkaitar hau soziologian lizentziatua eta enpresa zientzietan diplomatua da. Gaur egun, Eusko Jaurlaritzan itzultzaile lanetan aritzeaz gain, idazlea ere bada, argitaratu dituen liburuen artean daude: Connemara gure bihotzetan (2000. urtean), Han goitik itsasoa ikusten da (2004. urtean) eta Nire aita ikusezina da (2011); 2001. urtean idatzi zuen Iparragirreren biografia. Baditu, hiru lan hauez gain, zenbait euskal liburu bildumatan bere kontribuzioak ere, hala nola: Euskal idazleen ipuin erotikoak (Txalaparta, 1998), Bilbao: ipuin biltegia (Alberdania, 2000), Bero hezeak (Txalaparta, 2001), Marihuanazko bufandak (Txalaparta, 2002) eta Ipuin izugarriak (Elkar, 2004).

Bere lehenengo argitalpena 2000. urtean izanik, beste lan batzuetan ere aritu izan da; besteak beste gidoilari bezala ETBko Hasiberriak eta Baietz gogoratu produkzioetan 2000 eta 2002 urteak bitartean. 2003 urteko urtarriletik Bilboko Irakurlearen Tartea solasaldietako solasaldietako gidari bezala ere ikusi izan dugu. Horretaz aparte, blogaria izan zen 2005 eta 2006 urteak bitartean, noiz "Lagun batek esan dit lagun batek esan diola" izeneko web orrialdean bere burutapenak idatzi izan zituen garai batez. Itzultzaile lanari ekinez, ingelesezko pare bat liburu eta antzerki obra itzuli izan ditu, euren artean J.M. Barrieren Peter Pan in Kensington Gardens eta Peter and Wendy liburuak, Neil Gaimanen "Coraline" eta Shakespeareren sonetoetan oinarritutako L.O.V.E antzerki obra. Hortzmuga antzerki taldearekin zenbait kolaborazio egin ditu gidoigintzan.


Eleberriak[aldatu | aldatu iturburu kodea]

Beste batzuk[aldatu | aldatu iturburu kodea]

  • "Jose Mari Iparragirre" (biografia) 2001, Elkar
  • "Peter Pan" (James Matthew Barrie-ren itzulpena) 2004, Alberdania
  • "Metro bateko letrak" (haur-literatura) Elkar, 2005
  • "Beruna Patrikan" (Ander Izagirreren Plomo en los bolsillos-en itzulpena) Libros del K.O.
  • "Coraline" (Neil Gaiman-en itzulpena) 2019, Elkar.

Bloga[aldatu | aldatu iturburu kodea]

Blog pertsonala sortu zuen 2005ean, Eibar.org elkartearen komunitatean, "Lagun batek esan dit lagun batek esan diola" izenburupean.

Kanpo estekak[aldatu | aldatu iturburu kodea]