Julio Ramón Ribeyro

Wikipedia, Entziklopedia askea
Julio Ramón Ribeyro
Don Julio Ramón Ribeyro (cropped).jpg
idazle

Bizitza
JaiotzaLima1929ko abuztuaren 31
Herrialdea Peru
Lehen hizkuntzagaztelania
HeriotzaLima1994ko abenduaren 4a (65 urte)
Hezkuntza
HeziketaInstituto de Cultura Hispánica
Pontifical Catholic University of Peru (en) Itzuli
National University of Engineering (en) Itzuli
Hizkuntzakgaztelania
Jarduerak
Jarduerakidazlea, diplomazialaria eta kazetaria
Jasotako sariak
Genero artistikoaeleberria

Find a Grave: 23125419 Edit the value on Wikidata

Julio Ramón Ribeyro (Lima, Peru, 1929ko abuztuaren 31 - ib., 1994ko abenduaren 4a) perutar idazlea izan zen.

Biografia[aldatu | aldatu iturburu kodea]

XX. mendeko perutar idazle gailenetako bat. Bere ipuingintza, batez ere, mende horretako oparoena eta aipagarrienetako bat izan zen. Hala ere, bere obraren parte handi bat atentzio handia eman gabe argitaratu zen, eta merezi zuen arreta eta ezagutza jaso gabe. Agian bere garaiko literatura-modei kasu handirik egin ez zielako, eta errealismoaren ereduei leial iraun zuelako, bere herrialdeko hirietako giro miserableenak eta erdiko klaseen arazo tragikomikoak deskribatzeko.

Hil zen urtean, Liman zegoela, bere bizitzako literatura-sari inportanteena irabazi zuen: Juan Rulfo saria, Mexikon emana. Nahiz eta bere obra osoa Peruri eta, batez ere, hiriburuko errealitateari estuki lotuta egon, bere produkzioaren parte handiena Europan egina izan zen. 1952an iritsi zen Europara, bere lehen ipuin-bilduma argitaratu baino lehen: Los gallinazos sin plumas (1955). Parisen jarri zen bizitzen, eta han geratu zen, bere bizitzako azkeneko urteak arte. Nahiz eta bere obra Peruko hiri-errealismoaren adierazpen aipagarriena izan, Ribeyrok ipuin fantastikoa ere landu zuen, eta bere istorio batzuk herriko girokoak ere badira, Crónica de San Gabriel (1960) eleberria edo Silvio en el Rosedal (1976) kontakizuna —bere lanik onena, beharbada— bezala. Bere ipuingintzaren emaitza La palabra del mundo (1973-1977, "Munduaren hitza") bildumako hiru liburutan irakur daiteke, edo Cuentos completos lanean (1994, "Ipuin guztiak").

Ipuinez gainera, eleberriak, antzerki-lanak, literatura-kritika, aforismoak, Prosas apátridas (1975-1978, "Prosa aberrigabeak") eta egunkari bat, La tentación del fracaso (1992, "Porrotaren tentazioa"), idatzi zituen.

Erreferentziak[aldatu | aldatu iturburu kodea]

Wikimedia Commonsen badira fitxategi gehiago, gai hau dutenak: Julio Ramón Ribeyro Aldatu lotura Wikidatan