Kam

Wikipedia, Entziklopedia askea
Jump to navigation Jump to search
Noeren madarikazioa Kami, Ivan Ksenofontov errusiarraren 19. mendeko margolana

Kam (hebreeraz: חָם‎H̱am; antzinako grezieraz: ΧαμKham; arabieraz: حام‎Ḥām), Bibliako pertsonaia da, Genesis edo Hasiera liburuan agertzen dena. Noe-ren hiru semeetako bat, eta Kux, Mizraim, Phut eta Kanaan-en aita. Sem eta Jafet zituen anaiak.

Antzinako historiografian, Kam-en ondorengoak, kamitak, Asia mendebaldeko eta Afrikako zenbait herriren ustezko arbasoak izan ziren.

Kamen bekatua[aldatu | aldatu iturburu kodea]

Norberaren aita biluzik ikustea tabu kontsideraturik, hori egiteari Kamen bekatua esan izan zaio kultura judeo-kristauan. Hala ageri da pasartea Biblian:

« Kanaanen aita Kamek, bere aita biluzik ikusirik, kanpoan ziren beste bi anaiei jakinarazi zien. Sem eta Jafetek, soingaineko bat hartu, sorbaldan bien artean ipini eta, atzeraka joanez, aita biluzia estali egin zuten. Beste aldera begiratzen zutenez, ez zuten aita biluzik ikusi. Ardoaren lozorrotik esnatu zenean, jakin zuen Noek bere seme gazteenak egin ziona. Orduan, esan zuen: «Madarikatua Kanaan: izan bedi bere senideen esklaboen esklabo» »

Elizen Arteko Biblia, Hasiera 9, 22-25[1]

Hortaz, bekatua Kamek egin zuen, baina Noeren madarikazioa Kamen semeari, bilobari, erori zitazion, Kanaani. Horregatik, Kamen madarikazioa edo/eta Kanaanen madarikazioa esaten zaio Noek egindakoari.

Erreferentziak[aldatu | aldatu iturburu kodea]

  1. Elizen Arteko Biblia (euskaraz).  Has 9, 22-25, http://www.biblija.net/biblija.cgi?m=Has+9,18-29&id34=1&pos=0&set=21&l=eu. Noiz kontsultatua: 2018-01-29 .