Karavanke

Wikipedia(e)tik
Hona jo: nabigazioa, Bilatu
Ekialdeko Karavanke Stol menditik ikusita

Karavanke edo Karavanke mendikatea[1] (eslovenieraz: Karavanke, alemanez: Karawanken) Alpeetako mendikatea da, Eslovenia eta Austria arteko mugan dagoena. Natura 2000 Europako sare ekologikoan sarturik dago.

Etimologia[aldatu | aldatu iturburu kodea]

Zelten karv hitzetik datorrela dirudi, zeina euskaraz "oreina" esan nahi duen.

Geografia[aldatu | aldatu iturburu kodea]

Ekialdetik mendebaldera luzatzen da eta 120 kilometro dituenez Europako mendilerro luzeenetakoa da. Mendebaldeko zatin mendi altuagoak daude ekialdean baino. Ekialdeko muturrean Kamnik-Savinjako Alpeak ditu jarraian.

Iparraldean Drava ibaiaren haranak mugatzen du, hegoaldean berriz Sava ibaia dauka.

Aurrehistoriatik erabili izan diren pasabide ugari ditu, hala nola, Wurzen (Koreno), Loibl (Ljubelj) eta Seeberg (Jezero). Gaur egun Karavanke tunelak lotzen ditu Villach (Austria) eta Jesenice (Eslovenia).

Mendirik altuenak[aldatu | aldatu iturburu kodea]

# Mendia Herrialdea Garaiera
1 Stol (Hochstuhl) Eslovenia 2.236 m
2 Vrtača (Wertatscha) Austria 2.180 m
3 Kepa (Mittagskogel) Austria 2.145 m
4 Košutnikov turn Eslovenia 2.133 m
5 Kordeževa glava Eslovenia 2.126 m
  • Parentesi artean alemanierazko izena.

Historia[aldatu | aldatu iturburu kodea]

Harri Aroan dagoeneko populatua izan zen mendilerroa eta erromatarren garaian Noricum probintziaren hegoaldeko muga markatu zuen. Klaudio Ptolomeok k.o. 150 urtean aipatu zituen.

XI mendean Karintia dukerriaren eta Karniolako markaren arteko muga izan zen, baina 1364an Karniola ere dukerria bihurtu zenean bi lurraldeek bat egin zuten Austriako Inperioaren barnean.

1918an Austria-Hungariako Inperioa desegin zenetik aurrera Austria eta Esloveniaren arteko muga izan da.

Iruditegia[aldatu | aldatu iturburu kodea]

Erreferentziak[aldatu | aldatu iturburu kodea]

Wikimedia Commonsen badira fitxategi gehiago, gai hau dutenak: Karavanke Aldatu lotura Wikidatan

Koordenatuak: 46°23′3″N 14°10′24″E / 46.38417°N 14.17333°E / 46.38417; 14.17333