Kuliska txiki

Wikipedia, Entziklopedia askea
Jump to navigation Jump to search
Kuliska txiki
Actitis hypoleucos - Laem Pak Bia.jpg
Iraute egoera

Arrisku txikia (IUCN 3.1)
Sailkapen zientifikoa
ErreinuaAnimalia
FilumaChordata
KlaseaAves
OrdenaCharadriiformes
FamiliaScolopacidae
GeneroaActitis Actitis
Espeziea Actitis hypoleucos
Linnaeus, 1758
Datu orokorrak
Zabalera 0,273 m
Kulixka txikia.

Kuliska txikia (Actitis hypoleucos) scolopacidae familiako hegazti zangaluzea da[1]. Eurasiako hegazti honek neguan Afrikara, hegoaldeko Asiara eta Australiara migratzen du.

Deskribapena[aldatu | aldatu iturburu kodea]

Hegazti limikola txiki bat da, 18-20,5 cm arteko luzera eta 32-35 cm-ko hego-zabalera dituena. Gorputzaren gainaldea arre kolorekoa du eta sabelaldea zurixka. Begialdean zerrenda beltz edo iluna agertzen du. Hankak nahiko motzak dira, hori kolorekoak[2]. Neguan kolore uniformeagoa du. Hegan egiten duenean hegoetan marra zuri bat nabaritzen zaio[3].

Habitata[aldatu | aldatu iturburu kodea]

Kumatze garaian ibai, erreka eta urtegietan agertzen da, beti ere ur gezatako eremuetan. Migrazio garaian ohikoa da estuario, padura eta hondartzatan[2].

Elikadura[aldatu | aldatu iturburu kodea]

Ornogabeak jaten ditu, intsektuak bereziki. Ur azalean eta ertz lokaztuetan harrapatzen ditu. Zabortegietan ere agertu ohi da[2].

Ugalketa[aldatu | aldatu iturburu kodea]

Emeak uretatik gertu egiten du habia. Zulo txiki bat izaten da, landare hondarrez eta harritxoz egiten duena. Apirila amaieran edo maiatza hasieran lau arrautza jartzen ditu, beige kolorekoak eta marra arre edo gorrixkak dituztenak. Emeak eta arrak txitatzen dituzte 21-22 egunetan zehar eta jaio bezain laister gai dira txitak beren kabuz elikatzeko. Gurasoek beste 26-28 egunetan zehar zaintzen dituzte erebat garatzen diren arte[2].

Taxonomia[aldatu | aldatu iturburu kodea]

Carl von Linneok deskribatu zuen 1758 urtean. Lehen adituek tringa generoan sailkatu zuten, tringa hypoleucos izen binomiala izanik[4].

Iruditegia[aldatu | aldatu iturburu kodea]

Erreferentziak[aldatu | aldatu iturburu kodea]

  1. Hayman, Peter; Marchant, John & Prater, Tony (1986): Shorebirds: an identification guide to the waders of the world. Houghton Mifflin, Boston. ISBN 0-395-60237-8
  2. a b c d «Andarríos chico», SEO/BirdLife.
  3. Kuliska txikia – Gorka Gorospe . Noiz kontsultatua: 2019-12-03.
  4. (Ingelesez) Communications, c=AU; o=The State of Queensland; ou=Department of Environment and Science; ou=Corporate (2014-10-20) «Species profile | Environment, land and water» apps.des.qld.gov.au . Noiz kontsultatua: 2019-12-03.