Artikulu hau "Kalitatezko 1.000 artikulu 12-16 urteko ikasleentzat" proiektuaren parte da

Leireko kutxatila

Wikipedia, Entziklopedia askea
Jump to navigation Jump to search

Leireko kutxatila
Nafarroako Museoa, Euskal Herria.jpg
Egilea Farai
Mugimendua Islamiar artea
Sorrera 1004
Kokalekua Nafarroako museoa, Iruñea
Materiala Boli
Neurriak 23,6 × 38,4  × 23,7 cm

Leireko kutxatila elefantezko boliz egindako kutxa txikia da. Omeiatar Kaliferriaren garaian egina, Penintsula osoko islamiar artearen maisulan nagusienetariko bat da.

Farai izeneko artistak egin zuen 1004. urtean. Bere letra kufikoz egindako inskripzioaren arabera, Abd al-Malik al-Muzafarrek, Hisham II.aren hayib izandakoak, jaso zuen oparia izan zen. Gainera, ataurikez handiagoturiko eta modelaturiko zizelkatzeak ditu, gorteko pertsonaiak, Allah eta ehizako eszena bat (gazelak, arranoak, lehoiak, adarbakar bat eta antilopeak) irudikatzen dituztenak.

Leireko kutxatila deitzen zaio, monasterioan izan baitzuten Nunilo eta Alodia santuen erlikiontzi gisa.[1]

Egun Iruñeko Nafarroako museoan dago baina lehen Leireko monasterioan, Zangozako Santa Maria Erreginaren elizan eta Iruñeko katedralaren altxorrean egon zen.

Erreferentziak[aldatu | aldatu iturburu kodea]