Leo Frobenius
| Leo Frobenius | |
|---|---|
 | |
| Bizitza | |
| Jaiotza | Berlin, 1873ko ekainaren 29a |
| Herrialdea |
 Alemania |
| Heriotza | Verbania, 1938ko abuztuaren 9a (65 urte) |
| Hobiratze lekua | Frankfurt Main Cemetery |
| Hezkuntza | |
| Hizkuntzak | alemana |
| Jarduerak | |
| Jarduerak | antropologoa, arte-historialaria, arkeologoa eta etnologoa |
| Lantokia(k) | Togolandia |
| Enplegatzailea(k) | Goethe University Frankfurt |
| Jasotako sariak |
ikusi
|
Leo Frobenius (Berlin, 1873ko ekainaren 29a - Verbania, Italia, 1938ko abuztuaren 9a) alemaniar etnologo eta antropologoa izan zen.
Bere kabuz ikasi zuen, eta gazte zelarik piztu zitzaion Afrikako etnologiari buruzko jakin-mina. Batez ere Afrikako kulturak ikertu zituen, 1904-1935 bitarteko urteetan, harako 12 espediziotan egindako bilketa-lanen bidez. Horiez gainera, historiaurreko arte-gune nagusiak ikertu zituen Alpeetan, Norvegian, Espainian eta baita Indian ere. 1922. urtean, etnologia-elkarte bat (alemanez, Forschungsinstitut für Kulturmorphologie) sortu zuen. Handik hamar urtera, Frankfurteko Unibertsitatean antropologia-eskolak eman zituen, eta 1934. urtean, Udal Etnologia Museoko zuzendari izendatu zuten. Frobenius kulturen teoria zientifiko bat egiten saiatu zen lehenetako ikerlari bat izan zen. Haren lan nagusiak: Atlas Afrikanus (1922 - 1931, Afrikako atlasa); Der Ursprung der afrikanischen Kulturen (1898, Afrikako kulturen sorburua); eta Kulturgeschichte Afrikas (1933, Afrikako zibilizioaren historia).
Erreferentziak[aldatu | aldatu iturburu kodea]
 |
Wikimedia Commonsen badira fitxategi gehiago, gai hau dutenak: Leo Frobenius  |
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
