Liudmila Rudenko

Liudmila Rudenko
	; Irudi gehiago
Bizitza
Jaiotza	Lubny (en) , 1904ko uztailaren 27a
Herrialdea	Sobietar Errepublika Sozialisten Batasuna
Heriotza	San Petersburgo, 1986ko martxoaren 4a (81 urte)
Jarduerak
Jarduerak	xakelaria
Jasotako sariak	ikusi Ohorezko Intsigniaren ordena ; SESBeko Kirolaren Maisu ohorrezko ;

Liudmila Vladimirovna Rudenko (errusieraz: Людми́ла Влади́мировна Руде́нко, ukraineraz: Людмила Володимирівна Руденко) (Lubni, 1904ko uztailaren 27a - Leningrad, 1986ko martxoaren 4a) ukrainar-sobietar xake jokalaria eta Emakumezkoen Munduko Xake Txapelduna izan zen.

1950ean Emakumezkoen Munduko Xake Txapeldun titulua eskuratu zuen 16 jokalariz osatutako txapelketa irabaztean. Bigarren Mundu Gerraren ondoren antolatzen zen lehenengo txapelketa zen, 6 urtez munduko txapeldunik izan gabe egon ostean (Vera Mentxik, aurreko txapelduna, 1944an hil zen). Txapeldun titulua 1953an galdu zuen Elizaveta Bykovaren aurka (6-8; +7 -5 =2).

1952an Emakumezkoen Sobietar Xake Txapelketa irabazi zuen.