Luciana Aymar

Luciana Aymar
	; (2018) Irudi gehiago
Bizitza
Jaiotzako izen-deiturak	Luciana Paula Aymar
Jaiotza	Rosario, 1977ko abuztuaren 10a (47 urte)
Herrialdea	Argentina
Jarduerak
Jarduerak	belar hockey jokalaria eta modeloa
	Parte-hartzailea 2012ko Udako Olinpiar Jokoak ; 2008ko Udako Olinpiar Jokoak ; 2004ko Udako Olinpiar Jokoak ; 2000ko Udako Olinpiar Jokoak ;
Posizio edo espezialitatea	attacker (en)
Altuera	172 zentimetro

Luciana Paula Aymar (Rosario, Argentina, 1977ko abuztuaren 10a) belar hockeyko kirolari erretiratua eta aktorea da.

Zortzi aldiz FIH Player of the Year Award saria jaso duen historiako jokalari bakarra da.^[1]^[2]^[3]^[4] 2010ean, Platinum Konex Award saria eman zioten, Argentinako azken hamarkadako hockey-jokalari onenari.^[5]

Diego Maradona futbolari argentinarrarekin konparatuz, "La Maga" esaten diote, baita "Belar Hockeyaren Maradona" ere.

Biografia

Zazpi urte zituela hasi zen Rosarioko Club Atlético Fisherton-en jolasten, ondoren, Jockey Club de Rosariora mugitu zen. Gerora, Quilmes Atlético Club eta GEBA taldeentzat jokatu zuen, eta Liga Nazionala eta Torneo Metropolitanoa irabazi zituen. 1997an, Panamerikar Jokoetako Junior Txapelketa irabazi zuen, baita Hockeyko Munduko Junior Kopako brontzezko domina ere. 1998an, 16 urte zituela, Hockeyko Munduko Kopako laugarrena izan zen, Argentinako taldeko gazteena zelarik.

Nazioartean, Alemaniako Rot Weiss Köln eta Bartzelonako Real Club de Polon jokatu zuen.

1999ko Joko Panamerikarretatik nazioarteko hainbat txapelketa irabazi zituen, lau domina olinpiko eta txapeldunen sei trofeo barne. 2002 eta 2010eko Munduko Hockey Kopa irabazi zuen taldeko kide izan zen, eta azken hori bere jaioterrian, Rosarion, izan zen.

2008an, Hockeyko Nazioarteko Federazioak hockeyko legenda izendatu zuen.

Bera izan zen bere herrialdeko bandera-eramailea 2007ko Joko Panamerikarrak irekitzeko ekitaldian, Rio de Janeiron, Brasilen eta Londresko 2012ko Udako Joko Olinpikoetan, non 4 domina lortu zituen.^[6]

Argentinako hedabideetan agerraldia

Luciana Argentinako atleta mediatikoen aldarrikapenik behinena dela ere nabarmendu izan da; mundu mailako markekin, hala nola Rexona, Gatorade, ICBC, Midea eta bere botak hornitzen zizkion Nike markarekin, kontratuak sinatu zituen.

Lucianak babesleekin akordioak ixteko orduan esan izan du: «Irudi bat eraikitzen laguntzeko balio berberak transmititzen saiatzen gara bi aldeek. Nire ordezkariarekin, Carlos Prunesekin (besteak beste Emanuel Ginóbiliren irudia ere kudeatzen duena), babesleak bilatzen ditugu kiroletik haratago. Nire burua, emakume gisa ere, erakusteko aukera ematen didaten enpresak aukeratzen ditugu, alegia, bere burua zaintzen duen eta entrenamendurako beti korrika egiten ez duen emakumea. Haizemailea zabaltzen eta kategoria ezberdinetan saltzen saiatzen gara».

Federico Bluthgen PepsiCo Bebidas Cono Sur-eko marketin zuzendariak azaldu zuenez, Gatoradek aukeratu zuen Lucha «kirolaren erreferente bat delako. Zortzi aldiz jokalari onena izendatuta ere, bikaintasun profesional handiz eta pasio osoz entrenatzen du. Luciana barrutik, norberak eman dezakeenetik, bere espirituan irabazteko ideia daraman profesional bat da»^[7].

Bere kirol-ibilbideaz gain, modelismoan aritu zen, eta telebista saio bat gidatu zuen^[8].

2015ean, ESPN Latinoamerikan sartu zen emakumezkoen kirol produkzioekin elkarlanean aritzeko^[9]

Filmografia

Ana Quirogak zuzendutako Lucha: jugando con lo imposible (2016) dokumentalaren protagonista da.^[10]

Sariak eta aitortzak

Jokalariak lortu dituen sarien artean hurrengoak daude:^[11]

Nazioarteko Palmaresa taldean
Lehiaketa	Non	Domina	Ordezkaritza
2014ko Champions Trophy		Urrea	Argentina
2014ko World Cup		Brontzea	Argentina
2012ko Champions Trophy		Urrea	Argentina
2012ko Udako Olinpiar Jokoak	Londres, Erresuma Batua	Zilarra	Argentina
2011ko Champions Trophy		Zilarra	Argentina
2011ko Panamerikar Jokoak		Zilarra	Argentina
2010eko World Cup	Rosario, Argentina	Urrea	Argentina
2010eko Champions Trophy		Urrea	Argentina
2009ko Champions Trophy		Urrea	Argentina
2008ko Champions Trophy		Urrea	Argentina
2008ko Udako Olinpiar Jokoak	Beijing, Txina	Brontzea	Argentina
2007ko Champions Trophy		Zilarra	Argentina
2007ko Panamerikar Jokoak	Rio de Janeiro, Brasil	Urrea	Argentina
2006ko World Cup		Brontzea	Argentina
2004ko Udako Olinpiar Jokoak	Atenas, Grezia	Brontzea	Argentina
2003ko Panamerikar Jokoak		Urrea	Argentina
2002ko Champions Trophy		Zilarra	Argentina
2002ko World Cup		Urrea	Argentina
2001eko Champions Trophy		Urrea	Argentina
2000.urteko Udako Olinpiar Jokoak	Sidney, Australia	Zilarra	Argentina
1999ko Panamerikar Jokoak		Urrea	Argentina
1997ko Juniorren Mundu Kopa		Brontzea	Argentina Junior
1997ko Panamerikar Jokoak		Urrea	Argentina Junior

Palmaresa, klubaren arabera
Lehiaketa	Kluba	Herrialdea
2009ko Metropolo Txapelketa	GEBA	Argentina
2009ko Argentinako Liga Nazionala	GEBA	Argentina
2008ko Metropoli Txapelketa	GEBA	Argentina
2008ko Argentinako Liga Nazionala	GEBA	Argentina
2004ko Erreginaren Kopa	Real Club de Polo de Barcelona	Espainia
1998ko Europako Kluben Txapelketa	Rot-Weiss Köln	Alemania

Banakako sariak
Urtea	Lehiaketa
2014	Champions Trophy txapelketako jokalaria
2013	FIH Urteko jokalaria
2012	Champions Trophy txapelketako jokalaria
2010	FIH Urteko jokalaria
2010	Champions Trophy txapelketako jokalaria
2010	World Cupeko jokalaria
2009	FIH Urteko jokalaria
2008	Champions Trophy txapelketako jokalaria
2008	FIH Urteko jokalaria

Erreferentziak

↑ Amazing Aymar lands eighth FIH Player of the Year crown. 2013-12-08.
↑ (Gaztelaniaz) «Luciana Aymar, otra vez la reina del planeta» Cancha Llena 2010-11-12.
↑ (Ingelesez) «Top 10 greatest fild hockey players» The Telegraph.
↑ (Ingelesez) Luciana Aymar, the all time greatest hockey player.... .
↑ (Gaztelaniaz) Luciana Aymar - Premio Konex de Platino 2010. 2010-11-11.
↑ es:Carlos Mauricio Espínola
↑ Luciana Aymar: la preferida de las marcas. .
↑ Luciana Aymar: "Trabajar de modelo me dio más confianza como mujer". .
↑ Luciana Aymar se suma a ESPN. .
↑ (Gaztelaniaz) «Lucha: jugando con lo imposible (película 2016) - Tráiler. resumen, reparto y dónde ver. Dirigida por Ana Quiroga» La Vanguardia 2022-07-04 (Noiz kontsultatua: 2022-07-04).
↑ (Gaztelaniaz) Luciana AYMAR. .

Kanpo estekak

Datuak: Q271360
Multimedia: Luciana Aymar / Q271360

[1] Amazing Aymar lands eighth FIH Player of the Year crown. 2013-12-08.

[2] (Gaztelaniaz) «Luciana Aymar, otra vez la reina del planeta» Cancha Llena 2010-11-12.

[3] (Ingelesez) «Top 10 greatest fild hockey players» The Telegraph.

[4] (Ingelesez) Luciana Aymar, the all time greatest hockey player.... .

[5] (Gaztelaniaz) Luciana Aymar - Premio Konex de Platino 2010. 2010-11-11.

[6] s:Carlos Mauricio Espínola

[7] Luciana Aymar: la preferida de las marcas. .

[8] Luciana Aymar: "Trabajar de modelo me dio más confianza como mujer". .

[9] Luciana Aymar se suma a ESPN. .

[10] (Gaztelaniaz) «Lucha: jugando con lo imposible (película 2016) - Tráiler. resumen, reparto y dónde ver. Dirigida por Ana Quiroga» La Vanguardia 2022-07-04 (Noiz kontsultatua: 2022-07-04).

[11] (Gaztelaniaz) Luciana AYMAR. .

[1]

[2]

[3]

[4]

[5]

[6]

[7]

[8]

[9]

[10]

[11]