Lycaena virgaureae

Lycaena virgaureae
	Irudi gehiago
Sailkapen zientifikoa
Erreinua	Animalia
Filuma	Arthropoda
Klasea	Insecta
Ordena	Lepidoptera
Familia	Lycaenidae
Generoa	Lycaena
Espeziea	Lycaena virgaureae; Linnaeus, 1758
Datu orokorrak
Ostalaria	Rumex

Lycaena virgaureae.

Lycaena virgaureae Lycaenidae familiako tximeleta espezie bat da. Europan eta Asian aurkitzen da, Iberiar penintsulan hasi eta Siberian zehar Mongoliaraino.

Lineo naturalista suediarrak deskribatu zuen 1758. urtean.

Deskribapena

Tximeleta txiki bat da, 26-34 hegal-zabalera duena^[1]. Sexu dimorfismoa azaltzen du. Arraren hegalak laranja biziak dira, ertz beltzak dituztenak. Aurreko hegaletan puntu beltz batzuk izaten ditu batzuetan. Azpialdean kolore horiagoa du aurreko hegaletan eta okreagoa atzeko hegaletan. Puntu beltz ugari izaten ditu^[1].

Tximeleta emearen kolorea laranja-horixka izaten da eta puntu beltz ugari ditu. Aniztasun handia erakusten dute emeen hegalek.

Beldarrak berdeak dira eta puntu zuri batzuk izaten dituzte.

Lycaena virgaureae ♂
Lycaena virgaureae ♂ △

Bizi zikloa

Belaunaldi bakarra duen tximeleta da eta uztaila erdialdetik iraila erdialdera ikusten dira. Arrautza zuriak banan bana jartzen ditu landarearen zati lehorretan, batzuetan multzotan ere bai. Negua igaro ondoren jaiotzen dira beldarrak eta gauez elikatzen dira. Prezipitazio handiko eremuetara moldaturik daude eta ur azpian ere denbora luzez iraun dezakete^[1].

Habitata

Mendialdeko zelaietan ikusten da, 1.000 eta 2.000 altuera duten lurraldetan^[2]. Armenian 2.700 metrotako altueran ere aurkitzen da bertako azpiespeziea^[3].

Azpiespezieak

L. v. montanus (Alpeetan)
L. v. miegii (Iberiar penintsulan)
L. v. armeniaca (Armenian)^[3]

Iruditegia

Tximeleta arra.
Tximeleta emea.

Erreferentziak

↑ ^a ^b ^c (Gaztelaniaz) Valderrey, Juan Luis Menéndez. «Manto de oro. Lycaena virgaureae» Naturaleza y turismo (Noiz kontsultatua: 2022-11-05).
↑ Die Tagfalter Europas und Nordwestafrikas. 1998 ISBN 978-3-440-07573-9. PMC 75813244. (Noiz kontsultatua: 2022-11-05).
↑ ^a ^b (Ingelesez) «Lycaena virgaurea» Butterfly Conservation Armenia (Noiz kontsultatua: 2022-11-05).

Kanpo estekak

Datuak: Q520934
Multimedia: Lycaena virgaureae / Q520934
Espezieak: Lycaena virgaureae

[:0-1] (Gaztelaniaz) Valderrey, Juan Luis Menéndez. «Manto de oro. Lycaena virgaureae» Naturaleza y turismo (Noiz kontsultatua: 2022-11-05).

[2] Die Tagfalter Europas und Nordwestafrikas. 1998 ISBN 978-3-440-07573-9. PMC 75813244. (Noiz kontsultatua: 2022-11-05).

[:1-3] (Ingelesez) «Lycaena virgaurea» Butterfly Conservation Armenia (Noiz kontsultatua: 2022-11-05).

[1]

[2]

[3]