Mainland (Orkadak)

Mainland uhartea (Orkadak)
Bertako izena	Mainland Mòr-thìr Megenland
Geografia
Kokapena	Eskoziako ipar-ekialdeko kostaldea.
Uhartedia	Orkadak
Azalera	523,25 km²
Punturik garaiena	Mid Hill
Politika
Herrialdea	Orkadak, Eskozia Erresuma Batua
Gizartea
Biztanleria	17.162 biz. (2013)
Talde etnikoak	Eskoziarrak.

Mainland uhartea (ingelesez: Mainland, Eskoziako gaeleraz: Mòr-thìr, norvegieraz: Megenland, Hrossey) Orkadak uhartediko uharte handiena da. 2013ko erroldaren arabera 17.162 biztanle ditu eta uhartediko hiriburua den Kirkwall bertan dago.

Etimologia

Norvegiarrek Megenland (gerora Mainland bihurtu dena) izena ezarri zioten, "lurralde nagusia" esan nahi du. Hrossey izena ere erabili zuten, "zaldien uhartea".

Geografia

Uhartearen ipar-mendebaldean itsaslabarrak daude baina lurraldeak apalki beherantz jotzen du hego-ekialderantz. Bi badia edo loch ditu, Stennes eta Harray. Punturik garaiena Mid Hill (271 m) da.

Bi udalerritan banatzen da uhartea, Kirkwall (7.405 biztanle) eta Stromness (1.758 biz). Hirugarren asentamendu txiki bat ere badago, Finstown.

Klima

Datu klimatikoak (Kirkwall, 26 m, 1981-2010, muturrekoak 1951-)
Hila	Urt	Ots	Mar	Api	Mai	Eka	Uzt	Abu	Ira	Urr	Aza	Abe	Urtekoa
Erregistraturiko tenperatura maximoa (°C)	12.2	12.8	18.9	18.3	22.0	22.8	25.6	24.8	22.8	19.4	14.5	12.8	25.6
Batez besteko tenperatura maximoa (°C)	6.4	6.4	7.6	9.5	12.0	14.0	15.9	16.0	14.1	11.4	8.6	6.8	10.7
Batez besteko tenperatura minimoa (°C)	1.9	1.7	2.4	3.8	5.6	8.1	10.2	10.3	8.8	6.7	4.2	2.3	5.5
Erregistraturiko tenperatura minimoa (°C)	−7.8	−7.0	−6.8	−4.9	−2.1	1.0	3.4	3.7	0.5	-1.6	−5.5	−7.6	−7.8
Euria (mm)	109.7	93.3	95.7	60.3	48.0	52.7	57.4	66.3	95.3	126.0	126.0	107.8	1038.5
Euri egunak (≥ 1.0 mm)	20.1	16.8	17.9	13.4	10.6	10.7	11.6	12.5	16.2	19.6	20.8	18.5	188.7
Eguzki orduak	32.2	59.3	98.2	136.8	190.0	148.6	132.2	129.7	105.3	75.8	40.1	24.5	1172.4
Iturria (1): Met Office
Iturria (2): Royal Dutch Meteorological Institute/KMNI

Historia

Uhartearen mendebaldean Neolito garaiko aztarnak aurkitu dira, bai eta piktoen hainbat eraikuntza ere. Neolito garaikoek garrantzia berezia dute eta UNESCOk Gizateriaren Ondare izendatu zituen 1999an.

IX. mendean bikingoek okupatu zuten Orkada uhartedi guztiarekin batera eta Norvegiako koroaren menpe egon zen harik et XV mendean Eskoziarrek eskuratu zuten arte.

Ondasun nabarmenak

• 
  Orkadetako bihotz neolitikoa (Gizateriaren Ondarea)
• 
  Kirkwall.
• 
  Stromness.
• 
  Earlaren jauregia (Kirkwall).
• 
  St Magnus Katedrala (Kirkwall).
• 
  Yesnaby.

Kanpo estekak

• Datuak: Q148749
• Multimedia: Orkney Mainland / Q148749