Margaret Court

Margaret Court
	; Irudi gehiago
Bizitza
Jaiotzako izen-deiturak	Margaret Smith
Jaiotza	Albury (en) , 1942ko uztailaren 16a (82 urte)
Herrialdea	Australia
Bizilekua	Perth
Jarduerak
Jarduerak	tenislaria
Tenis
Jokaera	eskuina eta esku bakarrez errebeska jotze
Lateralitatea	eskuina eta ezkerra
Pisua	67,5 kilogramo
Altuera	175 zentimetro
Jasotako sariak	ikusi Britainiar Inperioko Ordenaren kidea ; Australian Sports Medal (2000ko abuztuaren 30a) ; Officer of the Order of Australia (2007ko urtarrilaren 26a) ; Centenary Medal (2001eko urtarrilaren 1a) ; Victorian Honour Roll of Women ; International Tennis Hall of Fame ; Companion of the Order of Australia (2021eko urtarrilaren 26a) ; Philippe Chatrier Award (2006) ; Australian Tennis Hall of Fame ;
Sinesmenak eta ideologia
Erlijioa	Mendekostismoa

Margaret Smith Court (Albury, Hegoaldeko Gales Berria, 1942ko uztailaren 16a-) tenislari australiar ohia da, gaur egun Perthen bizi dena. Munduko tenislaririk hoberena izan zen rankinean, eta lehenengo emakumea izan zen urte berean (1970) "Grand Slam"eko lau txapelketak irabazten. 1977an erretiratu egin zen.

Biografia

Albury Tennis Center-en hasi zen jolasten, lehenengo Wally Rutter entrenatzailearen laguntzarekin, eta ondoren Frank Sedgman, Keith Rodgers edo Harry Hopmanen babesarekin.^[1]

1959ean jokatu zuen lehenengoz Australiako Irekian, eta hamasei urte bazituen ere Caroline Aytley-ren kontrako partidan irabazi zuen baina bigarrenean, Mary Carter Reitanoren galdu zuen. Hurrengo urtean ordea Australiako Irekia irabazi zuen Jan Lehaneren aurka.^[2]

Tenisaren historian Grand Slam gehien irabazi dituen jokalaria da, guztira 24 titulo banakakoan. Gehienak Australian irabazi zituen. Australiako Irekian 11 titulo irabazi zituen, Roland Garrosen 5, AEBetako Irekian 5 eta Wimbledonen 3. Gainera, 1970ean guztiak irabazi zituen.^[3] Rafa Nadalek titulu gehien irabazitako tenislaria zela zabaldu zutenean Margaret Smith Court, Steffi Graf eta Serena Williamsen lorpenak erreibindikatu zituzten, zeintzuk gizonezko tenislariarena baino gehiago dira.^[3] Banakakoez gain, emakumezko bikoteetan, 19 titulo ditu, eta bikote mixtoetan, 21.^[1]

Eliza katolikoan hazia, 1991ean aipaiz pentekostal gisa ordenatu zuen bere burua eta ondoren, eliz propioa sortu zuen Victory Life Centre.^[4]^[2] 2017an harreman homosexualen aurkako irainak bota zituen, baita haur transexualen aurkakoak ere. Hori dela eta, Australiako Ordena itzuli dezan eskatu dute Martina Navratilova, Billie Jean King eta John McEnroe tenis jokalariek, baina dagoeneko ez duela itzuliko esan du.^[5]