Mesoamerika
Mesoamerika Ameriketako eskualde historiko eta kultural bat da, bere barnean hartzen dituena Mexikoren erdialdea eta hegoaldea, Belize, Guatemala eta El Salvador osorik, eta Hondurasko, Nikaraguako eta Costa Ricako zati batzuk. Hau da, Ipar Amerikako hegoaldeko zati bat eta Erdialdeko Amerika ia osoa hartzen du. Hor, kolonaurreko zibilizazio ugari garatu eta loratu ziren, XVI. eta XVII. mendeetako espainiarren kolonizazioa baino lehen.[1]
Eskualde kultural honetan Ameriketako kultura konplexuenetakoak eta garatuenetakoak daude, hala nola olmekak, zapotekak, teotihuacanekoak, maiak, mixtekak, totonakak eta aztekak[2]. Nahiz eta mesoamerikako herrien kultura-batasuna eztabaidagai izan oraindik ere, guztiek ezaugarri garrantzitsuak elkarbanatzen dituzte: nekazaritzan oinarritutako ekonomia, artoaren landaketa, bi egutegiren erabilera (260 eguneko errituala eta 365 eguneko zibila), giza sakrifizioak, harri-teknologia eta metalurgia eza.
Mesoamerika hitza (grezierazko μέσος [mesos] "tarte" edo "erdi") Paul Kirchhoff etnologo alemaniarrak sortu zuen 1943an[3], Mexiko erdialdetik Costa Ricara hedatzen ziren kulturen antzekotasunak izendatzeko.
Erreferentziak
[aldatu | aldatu iturburu kodea]- ↑ (2000): Atlas del México Prehispánico. Revista Arqueología mexicana. Número especial 5. Julio de 2000. Raíces/ Instituto Nacional de Antropología e Historia. Mexiko.
- ↑ Forgotten Civilizations of Meso-America
- ↑ Michael Ernest Smith eta Frances Berdan. (2003). The Postclassic Mesoamerican World. University of Utah Press ISBN 0874807344..
Ikus, gainera
[aldatu | aldatu iturburu kodea]Kanpo estekak
[aldatu | aldatu iturburu kodea]
Datuak: Q13703
Multimedia: Mesoamerica / Q13703