Mikhail Ostrogradski

Mikhail Ostrogradski
Irudi gehiago
Bizitza
Jaiotza	Pashenivka (en) , 1801eko irailaren 12a (juliotar egutegia)
Herrialdea	Errusiar Inperioa
Talde etnikoa	ukrainarra
Heriotza	Poltava, 1861eko abenduaren 20a (juliotar egutegia) (60 urte)
Hobiratze lekua	Pashenivka (en) Kobelyaky Uyezd (en)
Hezkuntza
Heziketa	Parisko Zientzien Fakultatea Q106947038
Tesi zuzendaria	Pierre-Simon Laplace Siméon Denis Poisson Augustin-Louis Cauchy
Doktorego ikaslea(k)	Nikolay Pavlovich Petrov (en)
Hizkuntzak	ukrainera errusiera frantsesa
Irakaslea(k)	Timofei Fedorovic Osipovsky (en)
Ikaslea(k)	ikusi Nikolai Brashman (en) Viktor Bunyakovsky (en) Ivan Vyshnegradsky (en) Daniel Delaru (en) Dmitry Ivanovich Zhuravsky (en) Nikolay Pavlovich Petrov (en) Q4515770
Jarduerak
Jarduerak	fisikaria eta matematikaria
Enplegatzailea(k)	Nicholas Academy of Engineering (en) Main Pedagogical Institute (en) Mikhailovsky Artillery School (en) Naval Cadet Corps (en) Military Engineering-Technical University (en) San Petersburgoko Bide-Injeniaritzako Estatu-Unibertsitatea Nikolay engineering school (en)
Lan nabarmenak	ikusi Ostrogradsky's method (en) divergence theorem (en) Liouville's formula (en)
Jasotako sariak	ikusi Order of Saint Anna, 3rd class Order of Saint Stanislaus, 1st class Order of St. Vladimir, 3rd class Fellow of the American Academy of Arts and Sciences
Kidetza	Frantziako Zientzien Akademia San Petersburgoko Zientzien Akademia Accademia Romana (en) Linzeen Akademia Arteen eta Zientzien Ameriketako Estatu Batuetako Akademia Zientzien Errusiar Akademia Accademia delle Scienze di Torino

Mikhail Vasilievitx Ostrogradski (errusieraz: Михаил Васильевич Остроградский, ukraineraz: Михайло Васильович Остроградський; Pashennaya, Ukraina, 1801eko irailaren 24a - Poltava (Ukraina), 1862ko urtarrilaren 1a) ukraniar fisikari eta matematikaria izan zen.

Biografia eta lana

Mikhail Vasilievitx Ostrogradski Pashennayan jaio zen, Ukranian, 1801eko irailaren 24an. Aita Vasili Ivanovitx Ostrogradski lurjabea izan zen, baina, goi mailakoekin harreman onak bazituen ere, pobreak ziren. Mikhailen ama Irina Andreevna Sakhno-Ustimovitx izan zen eta bi familiak kosakoak ziren, armadako kide ugari zeudelarik bere senan.

Vasili Ivanovitx eta Irina Andreevnak 5 seme-alaba zituen: Mikhail, Osip eta Andrei anaiak eta Elena eta Maria arrebak. Mikhail aitaren lurraldeetan zegoen lastozko txabola baten jaio zen.

Txikitatik izan zuen gauzak neurtzeko grina eta beti eramaten omen zuen harri bat eta hari lotutako soka luze bat, han eta hemen sakonera neurtuz.

Matematika ikasi zuen Kharkiv unibertsitatean eta Parisen jarraitu zuen. Hemen, harreman estua izan zuen Cauchy, Binet, Fourier edo Poisson bezalako frantses matematikari ospetsuekin. Etxerantz itzuli zenean, Itsas Armadako kadeteen irakasle izan zen San Petersburgoko Artilleria eskolan eta Ingeniaritza institutuan.

Green-Ostrogradski formula deitu zitzaion errorez eta horrek eman zion nolabaiteko ospea Mikhaili, integral bikoitza inguratzen duen areari aplikatuz, bolumenaren integrala espresatzeko bidea emango zuena (integral hirukoitza). Funtzio arrazional baten integrala kalkulatu ahal izateko metodoa garatu zuen izendatzaileak erro anizkunak dituenean. Metodo honen bidez, integralaren alde arrazionala banantzeko aukera dago, zatiki bakunetan deskonposatu beharrik gabe.

1834an, American Academy of Arts and Sciences delakoaren izendapena jaso zuen, 1841ean Turingo Zientzia Akademian eta, 1853an, berriz, Erromako Zientzia Akademian. 1856an Parisko Zientzi Akademian egin zuten kide.

Ostrogradskiren lan zientifikoak Parisko École Polytechniquen indarrean zeuden printzipioen ildoan zeuden, analisia eta matematika aplikatuaren esparruan.

Fisika Matematikoan, Hidromekanika, Elastikotasunaren teoria, Beroaren teoria eta Elektrizitatearen teoriaren sintesi izugarria egin zuen. Programa hau gizon bakar baten ahalmena garaitzen zuen eta XIX. mendean zeuden baliabideak ere bai; gaur egun, osatu gabe dago oraindik.

Erreferentziak

• Datuak: Q355892
• Multimedia: Mikhail Ostrogradsky / Q355892