Mikoian-Gurevitx MiG-25

Wikipedia, Entziklopedia askea
Hona jauzi: nabigazioa, Bilatu
MiG-25
Russian Air Force MiG-25.jpg
Mota Ehiza-hegazkina
Eraikitzailea Mikoian-Gurevitx / Mikoian
Lehenengo hegaldia 1964ko martxoaren 6a
Zerbitzu hasiera 1970
Zerbitzu amaiera Zerbitzu mugatuan
Erabiltzaile nagusiak Sobietar Aire Defentsa Indarrak
Ondiako Aire Armada
Algeriako Aire Armada
Prudukzio urteak 1964–1984
Unitate eraikiak 1.186
Aldaerak Mikoian MiG-31

Mikoian-Gurevich MiG-25 (errusieraz Микоян и Гуревич МиГ-25;: NATO kodez: Foxbat) Sobietar Batasuneko ehiza-hegazkin supersoniko bat da. Mikoian-Gurevitx hegazkinlaritza konpainiak ekoitzia da. 1964ko martxoaren 6an lehenbiziko hegaldia egin zuen eta 1970an zerbitzuan sartu zenn.

XB-70 Valkyrie estatubatuar hegazkin supersonikoari lehia egin eta hura atzemateko diseinatua izan zen.

2,83 Macheko (3200 km/h) gehienezko abiadura jarraia du, baina 3,2 Matcheko (3600 Km/h) abiadura ere harrapa dezake, motorrentzako arriskuaz. Ahalmen oso handiko radarra du, bai eta 4 aire-aire misil ere.

MiG-25 hegazkinak mendebaldeko militar eta behatzaileen artean harridura sortu eta erantzun gisa F-15 Eagle hegazkinaren garapena eragin zuen.

1960ko hamarkada eta 1970eko hamarkadan Mendebaldeko Alemaniaren mugari atxikiak hegaldiak burutu eta English Electric Lightning britainiar ehiza-hegazkinekin izan zituen lehiak oso ospetsuak dira. Garai hartan, britainiar ehiza-hegazkina NATOko ehiza-hegazkin ahlasteunetakoa zen arren, MiG-25 hegazkinek erronka gisa Electric Lightning parean jarri eta sobietar pilotuek britainiar pilotuei hatzarekin gorunzko keinua egin ohi zieten, orduan bi hegazkinak goruntz hegan egiten hasi eta garaiera irabazten zuten, azkenean britainiar hegazkinak bere geheinezko garaiera iritsi eta goruntz gehiago igo ezinik gelditu, eta sobietar hegazkinak goruntz igotzen jarraitzen zuen bitartean, britainiar pilotuak barregarri gelditzen ziren, sobietar hegazkinak garaiera handiegoetara hegan egiteko gai baitzen.

Urtez luzez, hegazkin honi esker, arabiarrei Israelgo zerua nahieran igarotzea ahalbideratu zien, egoera hau israledarrek F-15 hegazkina eskuratu eta MiG-25 hegazkinak beren zerutik kanpo mantentzea lortu zuten arte luzatu zen.


Wikimedia Commonsen badira fitxategi gehiago, gai hau dutenak: Mikoian-Gurevitx MiG-25 Aldatu lotura Wikidatan