Mixel Aire

Mixel Aire
	;
Bizitza
Jaiotza	Urepele, 1944ko maiatzaren 5a
Herrialdea	Nafarroa Beherea, Euskal Herria
Heriotza	Baiona, 2025eko urtarrilaren 14a (80 urte)
Familia
Aita	Fernando Aire
Ama	Leoni Etxebarren
Seme-alabak	ikusi Amaia Aire; Miren Aire; Paxkalin Aire;
Haurrideak	ikusi Henriette Aire;
Familia	ikusi Marie-Claude Hasquet (koinatu); Xole Aire (iloba);
Hezkuntza
Hizkuntzak	euskara; frantsesa
Jarduerak
Jarduerak	nekazaria eta bertsolaria
	Parte-hartzailea 1988ko Nafarroako Bertsolari Txapelketa ; 1987ko Nafarroako Bertsolari Txapelketa ;
Izengoitia(k)	Xalbador II.a

Mixel Aire Etxebarren —Xalbador II.a ezizenez ezaguna— (Urepele, Nafarroa Beherea, 1944ko maiatzaren 5a - 2025eko urtarrilaren 14a)^[1] bertsolaria izan zen.

Xalbador bertsolari ospetsuaren semea, ogibidez artzaina izan zen, aita bezala. 1976an Mari Michel Bertart-ekin ezkondu zen; hiru alaba izan zituzten, Miren, Amaia eta Paxkalin, euskal kantagintzako Aire Ahizpak hirukote ezaguna osatzen dutenak.^[2]

Biografia

1967an, 23 urte zituela egin zuen lehen plaza, Hazparnen hain zuzen, Xalbador aita, Mattin, Jon Lopategi eta Txomin Ezpondarekin.

Kalifornian bost urtez bizi izan zen, 1969tik 1974ra, artzain lanetan.^[3]

Euskal Herrira itzuli ostean, Mixel Aire Etxebarren Xalbador II.ak bat-bateko sariketa askotan parte hartu zuen, batik bat Nafarroako Bertsolari Txapelketan: 1980tik 1996ra bitartean hamazazpi aldiz lehiatu zen, eta finalera iritsi zen guztietan, baita hiru txapel jantzi ere (1980an, 1985ean eta 1988an).^[1] Lapurdi, Nafarroa Beherea eta Zuberoa batzen dituen Xilaba Bertsulari Xapelketan, berriz, bi aldiz aritu zen: 2008an eta 2010ean. Aipatutako txapelez gain, Zaldibiako I. Artxanberri eta Patxi Errota sarikoa jantzi zuen 1977an.

Bertso jarriak ere baditu ezagunak: esate baterako, "Ameriketan bakarrik" (1969); "Argia ta Ama"; "Agur Jaun Bikario Jenerala"; "Herri Urrats Senperen"; "Urepeletik doakigun jaun erretorrari"; "Euskaldunak Ameriketan"; "Manuel Alzugarai".^[1]

2010ean eszenatokiak utzi zituen.

Txapelketak eta sariak

Artxanberri eta Patxi Errota saria
- Txapeldun (1): 1977
Nafarroako Bertsolari Txapelketa
- Txapeldun (3): 1980, 1985 eta 1988
- Txapeldunordea (1): 1984
- Hirugarrena (1): 1992
- Laugarrena (1): 1991
Xilaba Bertsulari Xapelketa
- Finalaurrekoak (2): 2008 eta 2010
Bertsolari Txapelketa Nagusia
- Final-laurdenak (4): 1980, 1986, 1989 eta 1993

Erreferentziak

↑ ^a ^b ^c Ubeda, Garbine. (2025-01-14). «Mixel Aire Etxebarren 'Xalbador II.a' hil da, 81 urtetan» Berria (kontsulta data: 2025-01-14).
↑ Gaizka, Lasa. (2025-01-14). «'Xalbador II' hil da» diariovasco.com.
↑ «Mixel Aire bertsolari eta artzaina zendu da» eitb.eus 2025-01-14.

Kanpo estekak

Datuak: Q12263725

[:0-1] Ubeda, Garbine. (2025-01-14). «Mixel Aire Etxebarren 'Xalbador II.a' hil da, 81 urtetan» Berria (kontsulta data: 2025-01-14).

[2] Gaizka, Lasa. (2025-01-14). «'Xalbador II' hil da» diariovasco.com.

[3] «Mixel Aire bertsolari eta artzaina zendu da» eitb.eus 2025-01-14.

[1]

[2]

[3]