Msabbaha
| Msabbaha | |
|---|---|
| janari | |
 | |
| Materialak | tahinia |
| Osagaiak | txitxirioa eta tahinia |
Msabbaha (arabieraz: مسبحة) edo mashausha[1], Ekialde Hurbilean hain zabaldua dagoen hummus ezagunaren aldaera bat da, Libano eta Palestinakoa. Galilean mashausha ere esaten diote.
Osagaiak[aldatu | aldatu iturburu kodea]
Msabbaharen eta hummusaren arteko desberdintasun nagusia testura da[2]. Hummusean ez bezala, garbantzuak ez dira txikitzen, osorik uzten dira, baina, hummusa bezala, pita ogi freskoarekin jaten da[3].
Plateraren oinarria balila da: garbantzuak uretan egosita, kumino, perrexil xehatu eta limoi-zukuarekin. Batzuetan pinazi frijituak ere botatzen dira balila horretan. Beste osagai batzuk tahini eta baratxuri xehatua dira.
Damaskoko aldaera batean, garbantzuak eta tahini gurin urtuarekin, granada edo limoi-zukuarekin eta pistatxo edo pinaziekin nahasten dira[4]. Libanon, masabaha edo mashawsha esaten zaio horri, eta saltsa minarekin zerbitza daiteke beste jaki batzuekin batera. Ontziratuta ere saltzen da.
Erreferentziak[aldatu | aldatu iturburu kodea]
- ↑ (Ingelesez) Marks, Gil. (2010). Encyclopedia of Jewish Food. Wiley ISBN 9780470943540..
- ↑ (Ingelesez) Bergum, Vidar. (2021-02-18). «Msabbaha – Middle Eastern style warm chickpeas with tahini sauce» A kitchen in Istanbul (Noiz kontsultatua: 2023-11-08).
- ↑ (Gaztelaniaz) «Pan de pita y msabbaha, el hummus de invierno» El Amasadero 2021-02-12 (Noiz kontsultatua: 2023-11-08).
- ↑ (Ingelesez) Grehan, James P.. (2011-07-01). Everyday Life and Consumer Culture in Eighteenth-Century Damascus. University of Washington Press ISBN 978-0-295-80163-6. (Noiz kontsultatua: 2023-11-08).
Kanpo estekak[aldatu | aldatu iturburu kodea]
|
Artikulu hau gastronomiari buruzko zirriborroa da. Wikipedia lagun dezakezu edukia osatuz. |