Parke Zelta

Parke Zelta
Kokapena
Herrialdea	Euskal Herria
Probintzia	Nafarroa Garaia
Udalerria	Lizoainibar-Arriasgoiti
Koordenatuak	42°48′07″N 1°28′03″W
Historia eta erabilera
Irekiera	2011ko uztailaren 22a

Parke Zelta Lizoainibarko Lizoain lekuan egutegi zelta bat birsortzen duen zuhaitz-parkea. Herriko konplexu-zibiko barruan dago, San Migel eliza zaharraren ondoan, eta monumentu bakarra da Euskal Herrian eta Iberiar Penintsulan.

Egutegia

Parkeak forma biribila du. Alde batetik, zuhaitz bat landatu da ilargiaren egutegi zeltaren 28 eguneko 13 hilabete bakoitzeko (urkia, serbala, lizarra...), erlojuaren orratzen noranzkoari jarraituz. Garai hartan loratzen edo fruitzen zen zuhaitzaren arabera izendatzen dira hilabeteak. Zirkulu hori beste bi zuhaitzek irekitzen eta ixten dute: izeiak eta haginak, hurrenez hurren, urteko lehen eta azken eguna irudikatzen dute, abenduaren 24a eta 23a.

Instalazioa osatzeko, beste lau zuhaitz daude erdialdean, urtaro bakoitzeko bana: negua (pagoa), udaberria (lekaduna), uda (ezkia) eta udazkena (lertxuna). Erdian Peio Iraizotzek egindako ikur zeltak dituen harrizko iturri bat dago, eta egurrezko banku batzuk ere jarri dira, proiektua azaltzen duten kartelez gain.

Erreferentziak

• (Gaztelaniaz) LIZOAIN, ASER VIDONDO. (2011-07-22). «Zeltar parke bat Iruñetik 20 kilometrora» diariodenavarra.es (Noiz kontsultatua: 2021-10-27).

Ikus, gainera

• Lizoain
• Egutegi zelta

Kanpo estekak

• Datuak: Q109289797