Patricia Espinar

Wikipedia, Entziklopedia askea
Patri Espinar» orritik birbideratua)
Jump to navigation Jump to search
Patricia Espinar
Bizitza
Jaiotza Usansolo1985eko apirilaren  16a (34 urte)
Herrialdea  Bizkaia, Euskal Herria
Jarduerak
Jarduerak pilotaria eta futbolaria

Patricia Espinar Labián (Usansolo, 1985eko apirilaren 16a) Euskal Herriko pilotaria eta futbolaria da.

Biografia[aldatu | aldatu iturburu kodea]

Futbolari gisako ibilbidea[aldatu | aldatu iturburu kodea]

Esku pilotan hasi aurretik futbolean jokatu zuen: 2002-2003an CFF Bilbaon, 2003-2004 Athletic B taldean, 2004-2005 Barakaldon, 2005-2006 Arratian eta 2008 eta 2014 artean Oiartzun Kirol Elkartean aritu zen.[1]

Euskal pilotari gisako ibilbidea[aldatu | aldatu iturburu kodea]

Futbolari izatean gain, palan jokatzen hasi zen. Trinketean Munduko txapelduna izan zen 2008an.[2] Bizkarrezurreko omoetako lesio batek ez zion 2017an I. Emakume Master Cup txapelketan aritzen utzi.[3] Urte bukaeran, ordea, Kolonbian jokaturiko Munduko one wall txapelketan jokatzea erabaki zuen eta bi urrezko domina eskuratu zituen, bakarkako txapelketan eta binakakoak, Amaia Araiztegirekin batera.[4][5] 2018an esku-huskako pilotan hasi zen jokatzen. Emakume Master Cup-ean binakako txapelketan finalista izan ondoren lau t'erdikoan txapeldun izatea lortu zuen Olatz Arrizabalagari 22-9 irabaziz.[6][7]

Futbolean zein pilota, kirolari gisa, bere azalean bizi izan ditu gizonezkoentzat antolaturiko disziplinetan aurrera egiteko oztopo eta erronkak:

“Eskuz hasi nintzenean neska oso gutxi geunden, txapelketak mutilen aurka jokatu behar genituen… Frontoietan emakume gehiago dago orain, lehiaketak... Federazioan lan handia egin dute emakumearen integrazioa bultzatzeko. Futboletik nator ni: arbitro eta ordutegi txarrenak genituen, gauez entrenatu behar genuen, gizonezkoen arropa ematen ziguten… Geroz eta gehiago gara kexatu garenak, eta egoerak hobera egin du”. (Patricia Espinar. 2015)[8]

Bestalde, EITBko Basetxea saioan eta El conquistador del Pacífico lehiaketaren XV. edizioan kapitana gisa aritu izan zen.[9][10]

Palmaresa[aldatu | aldatu iturburu kodea]

  • 2008an Munduko txapelduna Txileko trinkete lehiaketan.[2]
  • Munduko one wall txapelketa:
    • Bakarka (1): 2017
    • Bikoteka (1): 2017.
  • Emakume Master Cup:
    • Lau t'erdikoa (1): 2018.[11]
    • Bikoteka (0): 2018an bigarren.

Sariak eta errekonozimenduak[aldatu | aldatu iturburu kodea]

  • 2018an Galdakaon omenaldia.[2]
  • Zirgari Saria 2019 "Ahalduntzea eta balio aldaketa" atalean, Bizkaiko Foru Aldundiak eta BBK-ren eskutik, emakumeen eta gizonen berdintasunerako saria da. Espinar bere kirol-gaitasunagatik saritua izan da (esku-pilota, paleta, futbola, mendia, piraguismoa…), baita kirol maskulinizatuetan aurrera jarraitzeagatik ere.[12][13]

Erreferentziak[aldatu | aldatu iturburu kodea]

  1.   «PATRI: Patricia Espinar Labián (Defensa)» www.aupaathletic.com . Noiz kontsultatua: 2019-03-10 .
  2. a b c (Gaztelaniaz)  «Galdakao homenajea a Patricia Espinar, campeona de pelota mano en Colombia - ABC.es - Noticias Agencias» ABC . Noiz kontsultatua: 2019-05-31 .
  3. (Gaztelaniaz)  «Patri Espinar y la paciencia. Deia, Noticias de Bizkaia» Deia . Noiz kontsultatua: 2019-06-01 .
  4.   «Patri Espinar Labián (Usansolo, 1985)» Argia . Noiz kontsultatua: 2019-03-10 .
  5. (Gaztelaniaz)  «Patri Espinar y la paciencia. Deia, Noticias de Bizkaia» Deia . Noiz kontsultatua: 2019-03-10 .
  6.   Erredakzioa (2018-12-10) «Patri Espinar usansolotarra txapeldun da lau eta erdikoan» Geuria . Noiz kontsultatua: 2019-03-10 .
  7.   «Espinar conquista su primera txapela de la Emakume Master Cup del Cuatro y Medio» Mundo Deportivo 2018-12-09 . Noiz kontsultatua: 2019-05-31 .
  8.   «Protagonisten bizipenak» Argia . Noiz kontsultatua: 2019-06-01 .
  9. (Gaztelaniaz)  «Patricia Espinar, capitana del equipo verde de 'El Conquistador del Pacífico' | | Participantes | El conquistador del fin del mundo | EiTB» www.eitb.eus . Noiz kontsultatua: 2019-05-31 .
  10.   Erredakzioa (2019-01-17) «El Conquistador del Pacifico saioan kapitaina izango da Patri Espinar» Geuria . Noiz kontsultatua: 2019-06-01 .
  11.   «“He recuperado las ilusiones de la infancia y las he hecho realidad”» Mundo Deportivo 2018-12-11 . Noiz kontsultatua: 2019-05-31 .
  12.   «Bizkaia.Eus: - Emakume eta Gizonen arteko Berdintasuna - Zirgari Sariak - Zirgari Sariak 2019» www.bizkaia.eus . Noiz kontsultatua: 2019-05-31 .
  13. (Gaztelaniaz)  «El Athletic femenino y la pelotari Patricia Espinar, premios de Igualdad. Deia, Noticias de Bizkaia» Deia . Noiz kontsultatua: 2019-05-31 .

Kanpo loturak[aldatu | aldatu iturburu kodea]