Pedro Diez de Ultzurrun

Wikipedia, Entziklopedia askea
Pedro Diez de Ultzurrun
Bizitza
Jaiotza Iruñea1924ko abenduaren 24a
Herrialdea  Nafarroa Garaia, Euskal Herria
Lehen hizkuntza gaztelania
Heriotza Iruñea1994ko urriaren 20a (69 urte)
Familia
Seme-alabak
Hezkuntza
Heziketa Zaragozako Unibertsitatea
Hizkuntzak gaztelania
euskara
Jarduerak
Jarduerak medikua eta endokrinologoa
Kidetza Euskaltzaindia
Euskaltzaindia
Vianako Printzea Erakundea

Pedro Diez de Ultzurrun Etxarte (Iruñea, Nafarroa, 1924ko abenduaren 27a - ib., 1994ko urriaren 20a) euskal mediku eta idazlea izan zen.

Biografia[aldatu | aldatu iturburu kodea]

Iruñeko San Anton kalean jaioa, lehen ikasketak Nafarroako hiriburuan egin zituen eta bukatzean Zaragozan egin zituen Medikuntzako ikasketak, ondoren Basurtuko erietxean bi urte eman zituen barne-mediku lanetan, endokrinologia eta elikadura espezialitateak egin zituelarik.

Kultur eragile eta Euskaltzalea[aldatu | aldatu iturburu kodea]

Euskaltzaletasuna familiatik bazetorkion ere, hizkuntza ordea ez zuen etxean jaso (ama, Frantziska, Iruñekoa eta aita, Pedro, Zildozkoa zirelako) eta 1951ean, Francisco Tirapu irakaslearen eskutik, Iruñean gerra ostean antolaturiko lehenbiziko euskara ikastaroan izena eman eta ikasteari ekin zion buru-belarri.

Nafarroako Foru Aldundiko Vianako Printzea Erakundeko Euskararen Aldeko Sailaren zuzendari izan zen 1957tik 1973 arte. Haren zuzendaritzapean, nafar idazleen hainbat liburu eman ziren argitara. 1960. urtean, Makirriainen aurkitutako 1828ko euskal katixima bat aztertu zuen.

Bertsogintzan ere aritu zen eta 60koen hamarkadan egindako Nafarroako Bertsolari Txapelketaren antolatzaile nagusienetariko bat izan zen. Horretaz gain, Bertsolari Txapelketa Nagusian hirutan aritu zen epaile lanetan.

Erreferentziak[aldatu | aldatu iturburu kodea]

Kanpo estekak[aldatu | aldatu iturburu kodea]