Piazza della Minervaren obeliskoa

Minervaren obeliskoa; Pulcin della Minerva
Jatorria
Sortzailea(k)	Gian Lorenzo Bernini
Sorrera-urtea	1667
Mugimendua	Barrokoa
Ezaugarriak
Materiala(k)	rose granite (en)
Deskribapena
Kokapena
Lekua	Piazza della Minerva (en)
Bilduma	Piazza della Minerva (en)
Estatu burujabe	Italia
Eskualdea	Lazio
Italiako hiri metropolitarra	Erromako hiri metropolitarra
Hiria	Erroma
Koordenatuak	41°53′53″N 12°28′39″E / 41.898°N 12.4775°E

Minervaren obeliskoa, italieraz Pulcin della Minerva (pulcin hitzak txerritxo esan nahi du), herri mailan Elefantearen obeliskoa bezala ezagututa, Gian Lorenzo Berninik diseinatutako eskultura eta monumentua da. Erromako Piazza della Minervan kokatuta dago, Santa Maria sopra Minerva elizaren aurrean. Obeliskoa Egiptotik eramana izan zen.

Jatorria[aldatu | aldatu iturburu kodea]

Polifiloren ametsa; Bernini ziur aski lan honetan oinarritu zen.

Obelisko hau Erroman dauden hamairuko bat da. Beste hiru batera Saisetik (Egipton), Neiten Tenplutik, Erromara Kaligula edo Domiziano enperadorearen garaietan, I. mendean, eramana izan zen. Monolitoa 1655an, indusketa batzuetan aurkitua izan zen; ziur aski gertu zegoen Isisen Tenpluko partea zen, Marteren Zelaian.^[1] Alexandro VII.a aita santuak berreskuratzeko agindua eman zuen. Arkitektoa aukeratzeko bi kandidato zeuden baina, azkenean, Bernini izan zen aukeratua.

Esanahia[aldatu | aldatu iturburu kodea]

Obraren helburua Jainkoaren jakinduria sinbolizatzea zen. Horretarako zutabean grabatutako esaldi batez abiatu zen Bernini: "buru indartsua behar da jakinduri irmoa mantentzeko". Hori azaltzeko elefantearen irudia aukeratu zuen, bere gainean zutabearen pisua jasatzeko bezain gogorra. Elefantea kultura askotan jakinduriaren sinboloa da eta, esaterako, 1499an idatzitako Polifiloren ametsa (Hypnerotomachia Poliphili) liburu misteriotsuan horrela dago jasota.

Zizelkatze lana, dirudienez, Berniniren laguntzailea zen Ercole Ferratak egin zuen, beti maisuaren irizpideak jarraituz. Monumentuaren oinarrian latinez hau irakur daiteke:

"Sapientis Aegypti/ insculptas obelisco figuras/ ab elephanto/ belluarum fortissima/ gestari quisquis hic vides/ documentum intellige/ robustae mentis esse/ solidam sapientiam sustinere". Euskaraz: "Elefante batek, animalien arteko boteretsuena, heltzen duen obelisko honetan ikusten dituzun grabatutako Egiptoko jakinduriaren ikurrak, buru indartsua behar dela jakinduri irmoa mantentzeko eraskugarriak dira".

Obelisko honen diseinua XVIII. mendean, Giovanni Battista Vaccarinik Cataniako Piazza del Duomon imitatu zuen.