Polina Astakhova

Polina Astakhova
	; Irudi gehiago
Bizitza
Jaiotza	Dnipro, 1936ko urriaren 30a
Herrialdea	Sobietar Errepublika Sozialisten Batasuna ; Ukraina
Heriotza	Kiev, 2005eko abuztuaren 5a (68 urte)
Hobiratze lekua	Baikove Cemetery (en)
Hezkuntza
Hizkuntzak	errusiera
Jarduerak
Jarduerak	gimnasta artistikoa
	Parte-hartzailea 1956ko Udako Olinpiar Jokoak ; gymnastics at the 1964 Summer Olympics – women's individual all-around (en) ; gymnastics at the 1960 Summer Olympics – women's floor (en) ; gymnastics at the 1964 Summer Olympics – women's floor exercise (en) ; gymnastics at the 1960 Summer Olympics – women's uneven bars (en) ; gymnastics at the 1964 Summer Olympics – women's uneven bars (en) ;
Pisua	56 kilogramo
Altuera	166 zentimetro
Jasotako sariak	ikusi SESBeko Kirolaren Maisu ohorrezko ; Lanaren Bandera Gorriaren Ordena ; Ohorezko Intsigniaren ordena ; International Gymnastics Hall of Fame (2002) ;

Polina Grigorievna Astakhova (ukraineraz: Поліна Григорівна Астахова, translit.: Polina Grigorivna Astakhova; errusieraz: Полина Григорьевна Астахова, translit.: Polina Grigoryevna Astakhova; Zaporizhia, Ukraina, 1936ko urriaren 30a - Kiev, 2005eko abuztuaren 5a) sobietar gimnasta izan zen. Astakhovak hamar olinpiar domina irabazi zituen guztira. 1956an joan zen bere lehen Olinpiar Jokoetara, Larisa Latynina sobietar izarra buru zuen gimnasta taldean. Ariketa konbinatuen lehiaketa irabazi zuten. 1959an, Astakhovak Europako bi txapelketa irabazi zituen: barra asimetrikoetan bata; lurreko ariketetan, bestea. 1960an eta 1964an, Astakhovak eta haren taldekideek urrezko olinpiar domina lortu zuten berriro, taldekako ariketa konbinatuetan. 1960an, barra paralelo asimetrikoetako urrea ere bereganatu zuen Astakhovak; orobat zilarra, lurreko ariketetan, eta brontzea, banakako lehiaketa orokorrean. 1961ean, Astakhovak eta beste sobietar gimnasta batzuek aise garaitu zituzten Estatu Batuetako gimnasta onenetako batzuk. Urte bereko Europako txapelketetan, Astakhova bigarren gelditu zen ariketa konbinatuetan. 1964an, Tokioko Olinpiar Jokoetan, urrea, zilarra eta brontzea irabazi zituen, barra asimetrikoetan, lurreko ariketetan eta banakako lehiaketa orokorrean, hurrenez hurren. Handik laster, Astakhova erretiratu egin zen lehiaketetatik. 1972an itzuli zen Olinpiar Jokoetara, Sobietar Batasuneko gimnasten arduradun gisa.

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Kanpo estekak

Datuak: Q241995
Multimedia: Polina Astakhova / Q241995