Polonia Etxeberria

Polonia Etxeberria
Bizitza
Jaiotza	Eibar, 1865eko otsailaren 9a
Herrialdea	Gipuzkoa, Euskal Herria
Heriotza	Eibar, 1947ko martxoaren 14a (82 urte)
Familia
Anai-arrebak	ikusi Bonifazio Etxeberria; Julian Etxeberria;
Hezkuntza
Hizkuntzak	euskara; gaztelania
Jarduerak
Jarduerak	irakaslea

Polonia Etxeberria Orbea (Eibar, Gipuzkoa, 1865eko otsailaren 9a - Eibar, Gipuzkoa, 1947ko martxoaren 14a) Eibarko neskentzako lehen eskolako maistra izan zen. Bizitzako urte gehienak irakaskuntzari eskaini zizkion. Bere garaiko Eibarko emakume gehienak igaro ziren bere eskolatik.^[1]

Bizitza[aldatu | aldatu iturburu kodea]

Lucia Larreategi San Martin eibartarra Polonia Etxeberria eta Ibarkurutzeko eskolako beste maistra batzuei buruz.^[2]

Eibarren familia ezaguneko alaba (Bonifazio anaia STAR tailerreko sortzaile eta Julian, Armeria Eskolako zuzendari) gazte-gaztetatik izan zuen irakaskuntzarako joera. XIX. mende amaieran emakume batek ikastea ohikoa ez bazen ere, Logroñora joan zen irakasle-ikasketak egitera.^[1]

Eibarko neskentzako lehen eskola sortu zenean, Gumersinda Lopez de Gereñu irakaslearen laguntzaile aritu zen. Garai hartan, Eibarren bi maistra zeuden: Gumersinda Lopez de Gereñu eta Petra Ziaran. 1889an Petra hil zenean, Polonia Etxeberriak hartu zituen haren irakaskuntza-ardura guztiak. Bizitzako urte gehienak irakaskuntzari eskaini zizkion eta Eibarko Udal Artxiboak beraren gaineko dokumentazioa gordetzen du. Garaiko Eibarko emakume gehienak igaro ziren Doña Poloniaren eskolatik.^[1]^[3]