Puttarri

Puttarri
Datu orokorrak
Garaiera	1.299 m
Mota	mendi
Geografia
Koordenatuak	42°58′13″N 2°03′24″W
Mendikatea	Aralar
Herrialdea	Euskal Herria
Foru erkidego	Nafarroa Garaia
Mendizaletasuna
Ohiko bidea	Lizarrusti, Guardetxe
Mendikat	Mendikat
Luberri	Luberri

Puttarri Aralar mendilerroan dagoen mendi bat da, 1299 metroko garaiera duena. Mendi hau, Aralarreko mendirik garrantzitsuenetako bat bezala hartzen da. Beti egon da hortxe artzainen elezaharretan Mari euskal jainkosaren bizilekuetako bat bezala. Burundatik edo Arakildik begiratzen denean, pagadiak estalitako mendi honek ez du erakarpen handirik sortzen mendizaleen artean. Baina Puttarri hortxe dago, beste mendi batzuetatik banandua, Lizarrustitik Kalelantegi lepora igotzen den bidea zaintzen.

Irispideak

Lizarrustitik, Elkorriko bihurgunetik abiatuta, beherago, Etxarriranzko norantzan, Kalelantegira daroan bide on bat abiatzen da, tontorraren azpian dagoen lepoa, hemendik laster iristen dena, bere kareharrizko piramidera igoz. Kalelantegitik dagoen igoeretako batean, marka horiekin adierazitako bidezidorrak, kobazulo bitxi bat zeharkatzen du. Beste aukera bat, oraingoan, Lizarrustiko mendatetik, Kalelantegira igotzen da Iraioko Zelaitik, Alleko mendia inguratuz. Hau da Lizarrusti eta Lekunberri arteko G. R.a igarotzeko hautatutako aukera

Tontorrera Lakuntzatik ere iris daiteke, Algorriko pasabidetik mendilerrora igotzen diren geroz eta galduago dauden bideetatik. Azken aukera Guardetxetik igotzea da, Intzazelaiko lautadetatik eta Mandarrateko lepotik Errenagara doan bidetik, nondik mendebalderantz jarraitu behar den lehenik Kalelantegi lepora eta ondoren Putxerriren tontorrera iristeko.

Kanpo estekak

• euskal-herria.org webgunean

Euskarazko Wikipedian bada atari bat, gai hau duena: Euskal Wikiatlasa

• Datuak: Q12266361
• Multimedia: Puttarri / Q12266361