Québec: hamalau kantu independentziarako

Québec: hamalau kantu independentziarako
Joseba Tapiaren albuma
Egilea(k)	Joseba Tapia
Argitaratze-data	1999
Ezaugarriak
Genero artistikoa	herri-kanta eta egile abeslaria
Hizkuntza	euskara
Diskoetxea	Gaztelupeko Hotsak

Québec: hamalau kantu independentziarako Joseba Tapia musikariaren estudioko bigarren albuma da. 1999an kaleratu zuen diskoa Gaztelupeko Hotsak diskoetxearekin.

Paul Piché-ren Arraun kantarekin Joseba Tapiak Musikaren Saria jaso zuen Madrilen.

Quebec urrun dago Euskal Herritik baina hurbil ere bai. Bazter batean, hotza eta elurra den herrialde gogorrean, quebectarrek eutsi egiten diote nortasunari, identitateari. Hizkuntza erraldoi bat dute auzo, independenteak izan nahi lukete…

Quebeceko kantutegi modernoaren antologia da album hau: Leclerc, Levesque, Vigneault, Léveillée, Charlebois, Piché… Itxaro Bordak eta Koldo Izagirrek moldaturiko bertsioetan. Kantaera berri bat proposatzen du Joseba Tapiak, malgutasun harrigarriz.

• 
  Joseba Tapia
• 
  Itxaro Borda
• 
  Koldo Izagirre
• 
  Québec

• Québeceko kantautoreak.
• 
  Paul Piché
• 
  Gilles Vigneault (1989)
• 
  Félix Leclerc
• 
  Robert Charlebois (1972)
• 
  Raymond Lévesque
• 
  Québec

Albuma sortzeko motibazioa eta sorrera

Joseba Tapia 1990 hamarkadan Quebeceko Folk jaialdi batean parte hartu zuenean aztertu zuen hango asmo soberanistak nolako isla zuen kantuetan, eta ezusteko positibo galanta hartu zuen. Tapiaren interesa piztu zuten kantuen formek eta mezuek. Leclerc eta Lévesque maisuak ziren ironia txertatzen baladetan, Vigneaultek oso estilo berezia sortu zuen lirikatik abiatuta, Léveillek sinfonikotasuna jorratu zuen, Charleboisek rockaren eragina ekarri zuen gizartea kritikatzeko, Pichék tradizioa txertatu zuen modernotasunean... eta arnas handiko testuak egin zituzten denek, mezu konkreturik abiatuta, unibertsaltasuna zutela helburu.

Hainbat kantu landu eta bere zituen Tapiak, liluratuta, nonbait. quebectarren pozak eta amorruak zabaldu behar zituela nabaritu zuen. Koldo Izagirreri eskatu zion kantuen hitzak euskarazteko. Itxaro Bordarekin egin zuen lana itzulpenetik harago joan zen, benetako euskal kantuak sortu zituzten bien artean. Jatorrizko diskoetan orkestrazioa bazterrean utzita, Tapiak Pascal Gaigneri proposatu zion moldaketak egitea era xume batean, trikia bigarren maila batean utzita.

Abestien zerrenda

Hauek dira albumeko 14 abestiak:

1. 

   Joseba Tapia. Quebec diskoa. (Egunkaria, 1999)

   Maitasuna helduko da (Hitzak eta musika: Raymond Lévesque)
2. Herri bat daukat (Hitzak eta musika: Gilles Vigneault)
3. Bozo galtzaundi (Hitzak eta musika: Raymond Lévesque)
4. Wasichu (Hitzak eta musika: Robert Charlebois)
5. Arraun (Hitzak eta musika: Paul Piché)
6. Hemen bizitzea (Hitzak eta musika: Robert Charlebois)
7. Hartzaren heriotza (Hitzak eta musika: Félix Lecrec)
8. Herri hau (Hitzak eta musika: Gilles Vigneault)
9. Châteauguayko bataila (Hitzak eta musika: Raymond Lévesque)
10. Maitez (Hitzak eta musika: Paul Piché)
11. Zapatok (Hitzak eta musika: Félix Lecrec)
12. Oztamerikan (Hitzak eta musika: Robert Charlebois)
13. Xoxoaren haserrea (Hitzak eta musika: Félix Lecrerc)
14. Golde bat elur truke (Hitzak eta musika: Claude Léveillée)

Taldea

• Joseba Tapia: ahotsa eta trikitia
• Pascal Gaigne: gitarrak
• Arkaitz Miner: biolina
• Ritxi Salaberria: kontrabaxua eta baxu elektrikoa

Saria

• 2001: Musikaren Saria jaso zuen Madrilen, SGAE (Sociedad General de Autores y Editores) eta AIE (Asociación de Intérpretes y Ejecutantes) erakundeek banatzen dute sari hori. Paul Piché-ren Arraun kantagatik irabazi zuen saria.

Kanpo estekak

• Joseba Tapiaren orrialde ofiziala
• Québec – Joseba Tapia. josebatapia.eus (Noiz kontsultatua: 2023-09-11).

• Datuak: Q122401135