Rafael Frühbeck

Wikipedia, Entziklopedia askea
Hona jauzi: nabigazioa, Bilatu
Rafael Frühbeck
Bizitza
Izen osoa Rafael Frühbeck Frühbeck
Jaiotza Burgos1933ko irailaren 15a
Herrialdea  Espainia
Heriotza Iruñea2014ko ekainaren 11 (80 urte)
Heriotza modua  (Minbizia)
Hezkuntza
Hizkuntzak gaztelania
Lanbidea
Lanbidea orkestra zuzendaria, musikagilea eta musika-zuzendaria
Lantokia(k) DüsseldorfVienaBerlin eta Dresden
Kidetza San Fernandoko Arte Ederren Errege Akademia
Vienna Symphony
IMDb nm0207674

Rafael Frühbeck Frühbeck —izengoitiz Rafael Frühbeck de Burgos— (Burgos, Espainia, 1933ko irailaren 15a - Iruñea, Nafarroa Garaia, 2014ko ekainaren 11) orkestra-zuzendaria eta musikagilea izan zen. Besteak beste, Bilboko Orkestra Sinfonikoa, Yomiuri Nippon orkestra sinfonikoa, Espainiako Orkestra Nazionala, RAIren Orkestra Sinfoniko Nazionala eta Danimarkako Orkestra Nazionala zuzentzeko lanetan jardun zuen.

Bizitza[aldatu | aldatu iturburu kodea]

Alemaniar gurasoak zituen. Madrilgo eta Bilboko kontserbatorioetan egin zituen ikasketak, biolinekoak, besteak beste. Zarzuela-konpainien zuzendari gisa jardun zuen, eta, gero, Berlina aldatu zen, orkestra zuzendaritzako ikasketak egitera, Lessing eta Eichhorn irakasleekin.

Espainiara itzuli ondoren, itsas armadako banden zuzendari izan zen Santanderren 1953tik aurrera. 1958an, Bilboko Orkestra Sinfonikoaren zuzendari egin zuten, eta 1962etik 1978ra Espainiako Sinfonikoan bete zuen kargu hori bera. Lan horretan ari zen bitartean, Dusseldorfeko Zuzendaritza Musikal Orokorraren ardura ere izan zuen (1966-1971), eta harrezkero karrera bikaina osatu du nazioartean. Zuzendari nagusi gonbidatua izan da New Philharmonic Orchestran, Montrealgo Orkestra Sinfonikoan, Yomiuri Nippon orkestra sinfonikoan eta Washingtongo Sinfonikoan. 1989an, Vienako Orkestra Sinfonikoaren zuzendari titular izendatu zuten. Hainbat disko grabatu ditu. 2001az geroztik, RAIko Orkestra Sinfoniko Nazionaleko zuzendari nagusia da, eta 2004-05 denboraldiaz geroztik Dresdengo Filarmonikoko musika-zuzendaria.

Erreferentziak[aldatu | aldatu iturburu kodea]