Rafael Frühbeck

Rafael Frühbeck
Bizitza
Jaiotzako izen-deiturak	Rafael Frühbeck Frühbeck
Jaiotza	Burgos, 1933ko irailaren 15a
Herrialdea	Espainia
Heriotza	Iruñea, 2014ko ekainaren 11 (80 urte)
Hobiratze lekua	Burgos cemetery (en)
Heriotza modua	berezko heriotza: minbizia
Hezkuntza
Heziketa	Madrilgo Goi Mailako Errege-Musika Kontserbatorioa ; Hochschule für Musik und Theater München
Hizkuntzak	gaztelania
Jarduerak
Jarduerak	orkestra zuzendaria, musikagilea eta musika-zuzendaria
Lantokia(k)	Düsseldorf; Viena; Berlin eta Dresden
Jasotako sariak	ikusi honorary doctorate of the University of Burgos (1998) ; honorary doctorate of the University of Navarre ;
Kidetza	San Fernandoko Arte Ederren Errege Akademia; Vienna Symphony (en)
Genero artistikoa	musika klasikoa
Musika instrumentua	biolina

Rafael Frühbeck Frühbeck —izengoitiz Rafael Frühbeck de Burgos— (Burgos, Espainia, 1933ko irailaren 15a - Iruñea, Nafarroa Garaia, 2014ko ekainaren 11) orkestra-zuzendaria eta musikagilea izan zen. Besteak beste, Bilboko Orkestra Sinfonikoa, Yomiuri Nippon orkestra sinfonikoa, Espainiako Orkestra Nazionala, RAIren Orkestra Sinfoniko Nazionala eta Danimarkako Orkestra Nazionala zuzentzeko lanetan jardun zuen.

Bizitza

Alemaniar gurasoak zituen. Madrilgo eta Bilboko kontserbatorioetan egin zituen ikasketak, biolinekoak, besteak beste. Zarzuela-konpainien zuzendari gisa jardun zuen, eta, gero, Berlina aldatu zen, orkestra zuzendaritzako ikasketak egitera, Lessing eta Eichhorn irakasleekin.

Espainiara itzuli ondoren, itsas armadako banden zuzendari izan zen Santanderren 1953tik aurrera. 1958an, Bilboko Orkestra Sinfonikoaren zuzendari egin zuten, eta 1962etik 1978ra Espainiako Sinfonikoan bete zuen kargu hori bera. Lan horretan ari zen bitartean, Dusseldorfeko Zuzendaritza Musikal Orokorraren ardura ere izan zuen (1966-1971), eta harrezkero karrera bikaina osatu du nazioartean. Zuzendari nagusi gonbidatua izan da New Philharmonic Orchestran, Montrealgo Orkestra Sinfonikoan, Yomiuri Nippon orkestra sinfonikoan eta Washingtongo Sinfonikoan. 1989an, Vienako Orkestra Sinfonikoaren zuzendari titular izendatu zuten. Hainbat disko grabatu ditu. 2001az geroztik, RAIko Orkestra Sinfoniko Nazionaleko zuzendari nagusia da, eta 2004-05 denboraldiaz geroztik Dresdengo Filarmonikoko musika-zuzendaria.

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011-12-27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Datuak: Q549617