Raspas del Embarcadero

CR Raspas del Embarcadero
Sorrera	1969
Herria	Getxo, Bizkaia
Lehendakaria	Mikel Barturen
Entrenatzailea	Marcos Morales
Patroia(k)	Oskar Mujika
Kolorea(k)	arroxa
Trainerua	Areatarra
Palmaresa	0 Kontxako Bandera 0 TKE Liga 0 Espainiako Txapelketa 0 Euskadiko Txapelketa
2019: Kontxa	ez
2019: Liga	ez
Webgunea	www.liga-arc.com

Bilboko ibaiadarrean ziaboga egiten, 2011an.

Club de Remo Raspas del Embarcadero, ezagunagoa Raspas izenaz, Getxoko Areeta auzoko arraun taldea da.

Uniformea

Kolorea arrosa du elastikoetan eta Areatarra traineruan.

Historia

1934. urtean Areetako arraunalriez osaturiko Sociedad de Remo del Embarcadero izeneko elkarte batek parte hartu zuen Abrako estropadetan. 1945. urtean jokaturiko lehenengo Espainiako Trainerilla Txapelketa irabazi zuten areetarrek.

Gaurko elkartea 1969an sortua da, baina 1980ko hamarkadaren erdira arte ez zuen lortu trainerua uretaratzea. Urterik onenak 90. hamarkadaren erdialdera ezagutu zituen. 1994. urtean Oskar Mujikak gidaturik Euskal B Liga irabazi zuen (baita bere lehenengo 4 estropadak ere) eta hurrengo hiru urtetan Traineruen Euskal Ligan aritu zen emaitza txukunak lortuz, 1997ko 8. postua kasu, bizkaitarrik onena izanik. Urte berean Bizkaitarren arteko ligan bigarren gelditu zen Ondarroaren atzetik. Garai haietan Dalia Bandera antolatu izan zuen uztailean. Hurrengo urtean Algortarekin bat egin eta Getxo Arraun Taldea sortu zuten, kolore urdinduna, eta bi traineru atera ahal izan zituzten, baina ez zuten esperotako emaitzarik izan. Arraunlari eskasiaren ondorioz 1999an ez zuen trainerurik atera eta horrela jarraitu zuen 2005 arte. Azken urteetan KAE Ligako bigarren multzoan ibili da baina 2014an atera zuen azkenekoz trainerua. Aulki mugikorrean ordea indartsu dabil.

Palmaresa

Raspas 2011.

Ligak

• Euskal A Liga (0): Zortzigarrena 1997an.
• Euskal B Liga (1): 1994.
• Traineru bizkaitarren Liga (0): bigarren 1997an.

Bizkaiko Traineru Txapelketa

• Txapelduna (0)
• Bigarrena (1): 1997an.

Gainontzeko estropadak

• Portugaleteko Bandera (1): 1994.
• Fortuna Bandera (1): 1994.
• Bizkaitarren Promozio Bandera (2): 1994 eta 1996.
• Portugaleteko jeitsiera (2): 1996 eta 1997.
• Erandioko Bandera (1): 1997.
• Nerbioi Saria (Bizkaitarren Liga) (1): 1997.
• Algortako Portuzarra Ikurrina (1): 1998 (Getxo Arraun Taldea).

Trainerillatan

• Espainiako Trainerilla Txapelketa
  • Txapelduna (1): 1945.
  • Hirugarrena (1): 1975.
• Bizkaiko Trainerilla Txapelketa (1): 1973.

Bateletan

• Espainiako Batel Txapelketa
  • Txapelduna (0)
  • Bigarren (1): 1975.
  • Hirugarren (1): 1976.
• Bizkaiko Batel Txapelketa (2): 1973 eta 1975.

Aulki mugikorrean

• Euskadiko zortziko txapelketa (1): 2013.

Azken denboraldiak

Urtea	Liga	Kontxa
2005	Federazio Liga, 20.a	-
2006	KAE 2 Liga, 9.a	-
2007	KAE 2 Liga, 10.a	-
2008	KAE 2 Liga, 9.a	-
2009	KAE 2 Liga, 13.a	-
2010	KAE 2 Liga, 15.a	-
2011	KAE 2 Liga, 9.a	-
2012	KAE 2 Liga, 8.a	-
2013	KAE 2 Liga, 12.a	-
2014	KAE 2 Liga, 12.a	-
2015-	ez

Antolaturiko estropadak

90. hamarkadan Dalia Saria antolatu zuen. Gaur egun KAE 2 Ligako Areetako Bandera antolatzen du.

Kanpo loturak

• Raspas taldeari buruzko informazioa ARC ligaren webgunean.
• (Gaztelaniaz) Raspas Arraun taldeari buruzko eztabaidagunea.