Raspas del Embarcadero
| CR Raspas del Embarcadero | |
|---|---|
| Sorrera | 1969 |
| Herria |  Getxo, Bizkaia
|
| Lehendakaria | Mikel Barturen
|
| Entrenatzailea |  Marcos Morales
|
| Patroia(k) | Oskar Mujika
|
| Kolorea(k) | arroxa |
| Trainerua | Areatarra |
| Palmaresa | 0 Kontxako Bandera 0 TKE Liga 0 Espainiako Txapelketa 0 Euskadiko Txapelketa |
| 2024: Kontxa | ez |
| 2023: Liga | ez |
| Webgunea | www.liga-arc.com |
Club de Remo Raspas del Embarcadero, ezagunagoa Raspas izenaz, Getxoko Areeta auzoko arraun taldea da, 1969an sortu zena[1].
Traineruetan emaitzarik onenak 1990. hamarkadaren bukaeran lortu zituen 1997an Ligako traineru bizkaitar onena izateraino. Azken urteetan aulki mugikorrean zentratu da gehiago eta Raspaseko arraunlariek domina ugari eskuratu dituzte Espainiako eta Nazioarteko txapelketatan[2].
Uniformea
[aldatu | aldatu iturburu kodea]Kolorea arrosa du elastikoetan eta Areatarra traineruan.
Historia
[aldatu | aldatu iturburu kodea]Traineruak
[aldatu | aldatu iturburu kodea]1934. urtean Areetako arraunlariez osaturiko Sociedad de Remo del Embarcadero izeneko elkarte batek parte hartu zuen Abrako estropadetan[3]. 1945. urtean jokaturiko lehenengo Espainiako Trainerilla Txapelketa irabazi zuten areetarrek[3].
Gaurko elkartea 1969an sortua da, baina 1980ko hamarkadaren erdira arte ez zuen lortu trainerua uretaratzea. Urterik onenak 90. hamarkadaren erdialdera ezagutu zituen. 1994. urtean Oskar Mujikak gidaturik Euskal B Liga irabazi zuen (baita bere lehenengo 4 estropadak ere) eta hurrengo hiru urtetan Traineruen Euskal Ligan aritu zen emaitza txukunak lortuz, 1997ko 8. postua kasu, bizkaitarrik onena izanik. Urte berean Bizkaitarren arteko ligan bigarren gelditu zen Ondarroaren atzetik. Garai haietan Dalia Bandera antolatu izan zuen uztailean.
Hurrengo urtean Algortarekin bat egin eta Getxo Arraun Taldea sortu zuten, kolore urdinduna, eta bi traineru atera ahal izan zituzten, baina ez zuten esperotako emaitzarik izan. Arraunlari eskasiaren ondorioz 1999an ez zuen trainerurik atera eta horrela jarraitu zuen 2005 arte.
2007an Getxoko Udalak Algorta eta Raspasen arteko elkarketa bultzatu zuen Getxo Arraun Elkartea sortuz, baina Raspasek bere bidean jarraitzea erabaki zuen. Azken urteetan KAE Ligako bigarren multzoan ibili da baina 2014an atera zuen azkenekoz trainerua[3].
Aulki mugikorra
[aldatu | aldatu iturburu kodea]Aulki mugikorrean ordea indartsu dabil. Raspasen elkartu dira Bilboko itsasadarrean aulki mugikorra egin nahi duten arraunlariak eta azken urteetan Espainiako txapelketatan domina ugari lortu dituzte, bai eta Espainiako selekzioarekin Nazioarteko txapelketatan ere; esate baterako Virginia Díaz, Izaskun Etxaniz eta Esther Briz arraunlariek[4].
Palmaresa
[aldatu | aldatu iturburu kodea]
Ligak
[aldatu | aldatu iturburu kodea]- Euskal A Liga (0): Zortzigarrena 1997an.
- Euskal B Liga (1): 1994.
- Traineru bizkaitarren Liga (0): bigarren 1997an.
- Txapelduna (0)
- Bigarrena (1): 1997an.
- Hirugarrena (2): 1995ean eta 1996an.
Gainontzeko estropadak
[aldatu | aldatu iturburu kodea]- Portugaleteko Bandera (1): 1994.
- Fortuna Bandera (1): 1994.
- Bizkaitarren Promozio Bandera (2): 1994 eta 1996.
- Portugaleteko jeitsiera (2): 1996 eta 1997.
- Erandioko Bandera (1): 1997.
- Nerbioi Saria (Bizkaitarren Liga) (1): 1997.
- Algortako Portuzarra Ikurrina (1): 1998 (Getxo Arraun Taldea).
Trainerillatan
[aldatu | aldatu iturburu kodea]- Espainiako Trainerilla Txapelketa
- Txapelduna (1): 1945.
- Hirugarrena (1): 1975.
- Bizkaiko Trainerilla Txapelketa (1): 1973.
Bateletan
[aldatu | aldatu iturburu kodea]- Espainiako Batel Txapelketa
- Txapelduna (0)
- Bigarren (1): 1975.
- Hirugarren (1): 1976.
- Bizkaiko Batel Txapelketa (2): 1973 eta 1975.
Aulki mugikorrean
[aldatu | aldatu iturburu kodea]- Espainiako zortziko txapelketa:
- Gizonezkoak (0): hirugarrena 2020an.
- Emakumezkoak (1): 2020.
- Euskadiko zortziko txapelketa (1): 2013.
Azken denboraldiak
[aldatu | aldatu iturburu kodea]| Urtea | Liga | Kontxa |
|---|---|---|
| 2005 | Federazio Liga, 20.a | - |
| 2006 | KAE 2 Liga, 9.a | - |
| 2007 | KAE 2 Liga, 10.a | - |
| 2008 | KAE 2 Liga, 9.a | - |
| 2009 | KAE 2 Liga, 13.a | - |
| 2010 | KAE 2 Liga, 15.a | - |
| 2011 | KAE 2 Liga, 9.a | - |
| 2012 | KAE 2 Liga, 8.a | - |
| 2013 | KAE 2 Liga, 12.a | - |
| 2014 | KAE 2 Liga, 12.a | - |
| 2015- | ez |
Antolaturiko estropadak
[aldatu | aldatu iturburu kodea]90. hamarkadan Dalia Saria antolatu zuen. Azken urteetan KAE 2 Ligako Areetako Bandera antolatzen du, beti ere trainerua uretaratzen duenean.
Erreferentziak
[aldatu | aldatu iturburu kodea]- ↑ (Gaztelaniaz) r01epd0122e4ed314423e0db04c97a47b5baa317f, r01etpd158aa64558419b9ec5ed77644af02263cda. (2019-06-25). «RASPAS DEL EMBARCADERO ARRAUN ELKARTEA» www.euskadi.eus (Noiz kontsultatua: 2024-06-01).
- ↑ (Gaztelaniaz) Martín, Asís. (2019-06-24). «Las chicas de Raspas arrasan en el Campeonato de España» ElDesmarque (Noiz kontsultatua: 2024-06-01).
- ↑ a b c «Raspas A.E. 2012 - Liga ARC» www.liga-arc.com (Noiz kontsultatua: 2024-06-01).
- ↑ (Gaztelaniaz) Hernández, Marta. (2023-05-09). «Virginia Díaz, Izaskun Etxaniz y Esther Briz hacen historia para el Club Raspas Arraun en la Copa del Mundo» Deia (Noiz kontsultatua: 2024-06-01).
Kanpo estekak
[aldatu | aldatu iturburu kodea]- Raspas taldeari buruzko informazioa ARC ligaren webgunean.
- (Gaztelaniaz) Raspas Arraun taldeari buruzko eztabaidagunea.
| Autoritate kontrola |
|
|---|
Datuak: Q2980105
Multimedia: Raspas Arraun Elkartea / Q2980105