Traineru bizkaitarren Liga

Traineru bizkaitarren Liga
Sorrera	1997
Antolatzailea	Bizkaiko Arraunketa Federazioa
Garaipen gehien	Ondarroa (1997) Urdaibai (1999)
Azken ekitaldia	1999

Traineru bizkaitarren Liga 1997an eta 1999an arraun elkarte bizkaitarrek jokatu zuten ligaren bi edizioen izena da. Ondarroak irabazi zuen aurrenekoa eta Urdaibaik bigarrena.

1997 denboraldia

Sorrera

Gipuzkoarrekin haserreturik elkarte bizkaitarrek Liga propioa sortzea erabaki zuten jadanik eratuta zegoen Euskal Ligari boikota egin asmoz. Hala ere hiru klubek bi ligatan hartu zuten parte: Raspasek, Arkotek eta San Nikolasek. Hamabi taldek hartu zuten parte eta hamaika estropada izan ziren puntuagarriak. Estropadetan talde gipuzkoar eta kantabriarrak ere aritu izan ziren gonbidatu gisa lehian.

Bestalde aipatu behar da Kaikuk 69 puntu lortu zituen, baina arraunlari baten fitxa arauzkoa ez zenez, honek parte harturiko estropadetako puntuak kendu zitzaizkiola.

Sailkapena

Postua	Elkartea	Puntuak
1	Ondarroa	94
2	Raspas	87
3	Arkote	86
4	Santurtzi	75
5	Isuntza	72
6	San Nikolas	65
7	Zierbena	57
8	Lutxana	51
9	Elantxobe	45
10	Algorta	31
11	Iberia	25
12	Kaiku	17

1999 denboraldia

Urtebeteko adiskidetzearen ondoren berriz sortu ziren gipuzkoarren eta bizkaitarren arteko liskarrak eta oraingoan Bizkaitarren Liga birrantolatzeaz gain, estropada hauek bizkaitarrenak bakarrik izan ziren, traineru guztiak Lekeition, Kontxan eta Nerbioiko bukaerako bi banderetan baino elkartu ez zirelarik. Euskadiko Txapelketa ere elkarrekin egitekoak ziren baina talde bizkaitar gehienek uko egin zioten parte hartzeari. 11 traineruk osatu zuten liga eta 13 estropada jokatu ziren. Urte hontako irabazlea Urdaibai izan zen, eta ondoren izugarrizko sorpresa eman zuen Kontxako Banderan hirugarren gelditzean. Isuntza ere sartu zen Kontxan, Liga honen maila ona zela erakutsiz. Ondarroak ez zuen ordea bere probintziako taldeen ildoa jarraitu eta gipuzkoarrekin lehiatu zen Euskal B Ligan.

Estropadak

1. Urdaibaik 8 garaipen
2. Isuntzak 3 garaipen
3. Kaikuk garaipen bat
4. Santurtzik garaipen bat

Sailkapena

Postua	Elkartea	Puntuak
1	Urdaibai	117
2	Isuntza	110
3	Santurtzi	98
4	Kaiku	86
5	Arkote	79
6	Lutxana	76
7	Algorta	74
8	Zierbena	59
9	San Nikolas	33
10	Santurtzi B	32
11	Urdaibai B	22

Kanpo estekak

• Datuak: Q12268147