Rebekah Brooks
| Rebekah Brooks | |||
|---|---|---|---|
| |||
| Bizitza | |||
| Jaiotza | Warrington, 1968ko maiatzaren 27a (55 urte) | ||
| Herrialdea |  Erresuma Batua | ||
| Familia | |||
| Ezkontidea(k) | Ross Kemp (en)  (2002 - 2009)Charlie Brooks (en) (2009 - | ||
| Hezkuntza | |||
| Heziketa | London College of Communication (en) | ||
| Hizkuntzak | ingelesa | ||
| Jarduerak | |||
| Jarduerak | kazetaria | ||
Rebekah Brooks, jaiotzaz Rebekah Mary Wade ( Warrington, Lancashire, Ingalaterra, 1968ko maiatzaren 27a) britainiar kazetari eta editorea da. 2011ko uztailera arte, Rupert Murdoch handikidearen News of the World egunkariaren zuzendaria izan zen. News Internationalen zuzendari exekutiboa izan zen (2009tik 2011ra), eta lehenago News of the World egunkari britainiarraren editorea izan zen (2000tik 2003ra) eta The Sun egunkariko lehen emakume-editorea (2003tik 2009ra).[1][2]
News Internationalen telefono-entzunaldien eskandaluaren protagonista da, News of the World argitaletxearen editorea zela. Eztabaida zela eta, 2011ko uztailaren 15ean, Brooks-ek uko egin zion News Internationalen buru exekutibo izateari.[3] 2011ko uztailaren 17an, legez kanpoko entzunaldieki neta ustezko eroskeriekin zuen loturagatik atxilotu egin zuten.[4]
Kazetari ibilbidea[aldatu | aldatu iturburu kodea]
Rebela Wadek kazetari izatea erabaki zuen 14 urte zituenean. Denbora batez, L'Architecture Aujourd'hui egunkari frantseserako lan egin zuen Parisen, eta literatura frantsesa ikasten zuen Sorbona Unibertsitatean. Ondoren, Erresuma Batura itzuli zen Eddie Shahen inpresio mediatikoan lan egitera.
Rupert Murdoch-en News of the World egunkarian hasi zen 1989an, bulegoko laguntzaile gisa, eta gero enpresan gora egin zuen, lehenik igandeetan idazten. 1998an The Sun egunkarira joan zen, eguneroko egunkaria baitzen. David Yelland konbentzitzen saiatu zen 3. orrialdeko neskak (neska biluziak edo erdi-biluziak, egunkariko hirugarren orrialdeko argazkietan atera ohi zirenak) kanporatzeko. Gero, 2000. urtean News of the Worldera itzuli zen editore. Garai hartan, Britainia Handiko egunkari bateko editorerik gazteena zen.
Bera lidergoan zela, egunkariaren salmenta handitu egin zen. 2003ko urtarrilean, berriro itzuli zen -era, David Yelland buru ohiaren ordez, eta, aldi berean, egunkari horretako lehen emakume-editorea bihurtu zen.
News of the World egunkariko buru izan zen hiru urteetan, legez kanpoko hainbat hizketaldi egin zituen, politikari, famatu, kirolari eta krimenen biktimei buruzko informazioa lortzeko, besteak beste, Brooks boteretsuaren dimisioa eragin zuen Milly Dowler neskatilaren eskandalua.
Anbizio handiko kazetaria, Tabloideen erregina, beti misterio-halo batez inguratua, britainiar tabloideen mundura iritsi zen indartsu, eta hasieratik erakutsi zuen eskrupulurik ez zuela titular ona lortzeko orduan. Igandeko egunkariaren buru jarri eta gutxira, zortzi urteko neska bat, Sarah Payne, pederasta batek hil zuen. Gertakari horrek britainiarrak hunkitu zituen.
Brooks-ek kanpaina bat jarri zuen martxan, irakurleak pederastak identifikatzera animatzeko. Polizia britainiarrak oso arduragabetzat jo zuen ekimena. Esklusibak lortzeko gogoak bultzatuta, News of the World-eko zuzendariak metodo ez-ortodoxoak eta polemikoak erabili zituen karrera osoan.[5]
Telefono-entzunaldien eskandalua[aldatu | aldatu iturburu kodea]
2011ko uztailaren 7an, James Murdoch, Rupert Murdoch egunkariaren jabearen semeak jakinarazi zuen egunkariak, telefono-entzunaldien eskandalua zela eta, azken edizioa uztailaren 10ean argitaratuko zuela, eta ale horiek saltzeagatik lortutako diru-sarrerak Erresuma Batuko ongintzazko gaietarako izango zirela.[6]
Bizitza pribatua[aldatu | aldatu iturburu kodea]
Rebekah 2002ko ekainean (abizena hartu gabe) Ross Kemp aktorearekin ezkondu zen Las Vegasen (AEB), baina 2009an dibortziatu egin ziren.[7] Ondoren, Charlie Brooks zaldi-entrenatzaile eta idazlearekin ezkondu zen.
Aipuak[aldatu | aldatu iturburu kodea]
- "Oso lehiakorra den egunkari-merkatu batean, editore bakoitzak arreta jarri behar die irakurleei, egunkariaren tirada hobetzeko".[8]
- "Iraganean, poliziari ordaintzen genion informazioa lortzeko".[9] Rhondda parlamentari laborista baten galdera bati emandako erantzuna, Matt Wellsek 2003ko martxoaren 12an The Guardian egunkariko artikulu batek jasoa.
Aintzatespenak[aldatu | aldatu iturburu kodea]
- Wade une horretan Ingalaterrako Karlos III.a erregegai zenaren 50. urtebetetze-festara joan zen.
Erreferentziak[aldatu | aldatu iturburu kodea]
- ↑ The Media Guardian 100: 53. Rebekah Wade. Londres: The Guardian 8 de julio de 2002.
- ↑ UPDATE 2-UK Sun editor Wade to be News International CEO. 23 de junio de 2009.
- ↑ Rebekah Brooks Quits As NI Chief Executive Sky News, 15 de julio de 2011.
- ↑ Rebekah Brooks arrested by hacking police. BBC News.
- ↑ Adiós a la reina de los tabloides; El Universal; 17 de julio 2011
- ↑ News of the World to close amid hacking scandal; 7 de julio 2011
- ↑ Ross Kemp granted quickie divorce. Digital Spy 6 de marzo de 2009.
- ↑ (en inglés)"In a highly competitive newspaper market, every editor needs to appeal to female readers to boost their circulation."
- ↑ (en inglés)"We have paid the police for information in the past"
Kanpo estekak[aldatu | aldatu iturburu kodea]
Ingelesez
- BBCko Rebekah Wade
- John Tulloch de The Guardian
- The alleged Wade assault on Kemp, Daily Mail egunkarikoa
- Wade being arrested The Guardian
- Wade being arrested BBC
| Autoritate kontrola |
|
|---|
Datuak: Q234179