Seven Nation Army

Seven Nation Army
The White Stripesen singlea
Egilea	The White Stripes
Argitaratze-data	2003
Izenburua	Seven Nation Army
Jatorrizko herrialdea	Ameriketako Estatu Batuak
Banatze bidea	disko konpaktu
Ezaugarriak
Genero artistikoa	garage rock eta rock alternatiboa
Hizkuntza	ingelesa
Iraupena	3:52 minutu
Diskoetxea	XL Recordings
Tonoa	Sol maior
Deskribapena
Honen parte da	Elephant (en)
Ekoizpena
Ekoizlea	Jack White
Hitzak	Jack White
Bestelako lanak
Musikagilea	Jack White
Historia
Jasotako sariak	Grammy Award for Best Rock Song (en) gold record (en)
Nominazioak	Grammy Award for Best Rock Song (en)
Bideoa	YouTube
The White Stripesen kronologia
←Candy Cane Children (en) Seven Nation Army →I Just Don't Know What to Do with Myself (en)

Seven Nation Army (euskaraz Zazpi Nazioetako Gudarostea) The White Stripes estatubatuar rock alternatibo musika taldearen abesti bat da. 2003ko Elephant diskoan plazaratu zen. Doinu errepikakor eta itsaskorra duen kantua izanik, doinu horrek zabalkunde handia izan du.

Plagioa

2018ko Eurovisioneko abesti lehiaketan irabazle suertatu zen abestia, Toy, Netta Barzilai Israelgo ordezkariarena, plagioz akusatua izan zen. Kantu haren doinu erritmikoak antz handia zuen Seven Nation Army-rekin, kritikarik ugarik lehiaketaren garaian ohartarazi zutenez. Eurovision igaro eta hilabete batzuetara, kantuaren egile eta The White Stripes-eko partaide Jack Whitek akordio bat erdietsi zuen Toy kantuaren sortzaileekin. Universal Music disketxeak aurkeztu zuen demanda Whiteren izenean, eta akordioaren detaileak pribatuan gorde ziren arren, logikoena dirudi egile-eskubideetan banaketa bat gertatzea, Whiteren aurreko autoretza aitortzen duena.

Futbolean ereserki

Abesti honek futbol zaletuen artean ospe handia bereganatu izan du, 2006ko Munduko Futbol Txapelketan italiar zaletuek bere egin eta abestu ondoren Italiako futbol selekzio nazionalaren ereserkia bilakatu baitzen, izan ere, izenburuak euskaraz "Zazpi Nazioetako Gudarostea" izaki, Italiak urte hartako Munduko Txapelketa irabazi ahal izateko zazpi herrialdeetako futbol selekzioak garaitu eta kaleratu behar izan baizituen, izan ere abestiaren hitzak kirol abagune hartarako ezinegokiagoak ziren:

«

I'm going to fight them off A seven nation army couldn't hold me back They're going to rip it off Taking their time right behind my back Haietatik askatzera noa Zazpi nazioetako gudarosteak ez nau atzera botako Ni botarazten saiatuko dira Nire atzetik behar duten adina denbora hartuz

»

Kondairaren arabera, abestia 2003an Milango taberna batetako italiar zaletuak AC Milan taldearen garaipen baten ondoren abesten hasi omen ziren, hortik jada berehalakoan italiar zaletu guztiak abestera iragan zirelarik, finalean jatorrizko hitzak esaldi honengatik aldatuz: «Siamo campioni del mondo» ("Munduko txapeldunak gara").

Ordutik aurrera, herrialde guztietako zaletuen ereserkia edo animatzeko abesti errepikakorra bilakatu da, UEFA Euro 2008, 2010eko Munduko Futbol Txapelketa, UEFA Euro 2012 eta 2014ko Munduko Futbol Txapelketan entzun izan delarik.

Abestiaren jatorrizko herrialdea den AEBetan ere amerikar futbol partiduetako zaletuek abestu ohi dute.

Kanpo estekak

• Seven Nation Army abestiaren bideoklipa ikusgai eta entzungai. Youtube.com (Ingelesez)
• Seven Nation Army abestia futbolzaleek abestua. Youtube.com (Ingelesez)
• 2014ko Brasilgo Munduko Futbol Txapelketarako Seven Nation Army abestia remixa entzungai. Youtube.com (Ingelesez)

• Datuak: Q1420378