Netta Barzilai

Wikipedia, Entziklopedia askea
Jump to navigation Jump to search
Netta Barzilai
Netta Barzilai - Eurovision 2018 - 2 (cropped 2).jpg
Bizitza
Jaiotza Hod HaSharon Itzuli1993ko urtarrilaren  22a (26 urte)
Herrialdea  Israel
Bizilekua Tel Aviv
Nigeria
Hezkuntza
Hizkuntzak hebreera
Jarduerak
Jarduerak musikaria, egile abeslaria, Disk Jockeya eta abeslaria
Jasotako sariak
Kidetza HaNoar HaOved VeHaLomed Itzuli
Genero artistikoa musika elektronikoa
Musika instrumentua gitarra
Sintetizadorea
live loopinga Itzuli
IMDb nm9642691
nettamusic.com/

Netta Barzilai (hebreeraz: נטע ברזילי‎, Hod HaSharon, Israel, 1993), abeslari israeldarra da, artistikoki Netta izen hutsa erabili ohi duena. 2018ko Eurovision abesti lehiaketa irabazi zuen 2018ko maiatzean, Toy abestiarekin, Israel ordezkatuz.

Biografia[aldatu | aldatu iturburu kodea]

Barzilai jaio zen bat judu familia batean. Ama jatorri judu sefardien artekoa du (Ipar Afrikako erroekin), eta aita jatorri askenazikoa da, Poloniako juduen komunitatekoa. Umetan, Barzilai Nigerian bizi izan zen lau urtez aita ingeniaria han aritu zelako lanean.

Israelgo Defentsa Indarretan derrigorrezko soldadutza egin baino lehen, boluntario izan zen Barzilai Nahal deritzon gaztediarentzako erakunde para-militar estatalean. Armadatik irtendakoan, musika elektronikoa ikasi zuen baina ez zuen titulurik lortu. Israelgo telebistako HaKokhav Haba musika lehiaketara aurkeztu zen, eta haren 5. edizioa irabazita, Eurovisionen Israel ordezkatzeko tokia lortu zuen[1].

Kritika politikoa[aldatu | aldatu iturburu kodea]

Pinkwashing eta purplewashing egiteagatik kritikak jaso izan ditu Netta Barzilaik[2]. Eurovisioneko bere kantuak emakumeen kontrako jazarpena zuen gaitzat, baina horrek kontraste egiten du Israelek Palestina okupatuz egiten duen jazarpen nazionalarekin... Aldi berean, kritika egiten dutenek azpimarratu izan dute Netta Barzilairen inplikazioa Israelen politika okupatzaileetan ez dela guztiz inozentea, boluntarioki parte hartu baitzuen Armadan. Israelgo lehen ministro Benjamin Netanyahuren ondoan harro ere agertu izan da behin baino gehiagotan argazkietan.

Era berean, Eurovision irabazi zuenean, oihuka adierazi zuen Barzilaik: "datorren urtean Jerusalemen!", non eta Israelek aurrekoetan Eurovision ostatatu duenean hiri hori apropos aukeratu ez denean, nazioarteko motibo politikoengatik[3]. Izan ere, 2019an ez zen bere pronostikoa bete: ez zen Jerusalem izan lehiaketaren egoitza, baizik eta Tel Aviv.

Erreferentziak[aldatu | aldatu iturburu kodea]

  1. (Gaztelaniaz)  «Netta» www.bekia.es . Noiz kontsultatua: 2019-05-28 .
  2. (Ingelesez)  «Netta is in danger of being turned into a political toy» +61J 2018-05-23 . Noiz kontsultatua: 2019-05-28 .
  3. (Ingelesez)  «'Next time in Jerusalem': Israeli winner adds political jab to Eurovision Song Contest» RT International . Noiz kontsultatua: 2019-05-28 .