Sgt. Pepper's Lonely Hearts Club Band

Wikipedia, Entziklopedia askea
Hona jauzi: nabigazioa, Bilatu
Sgt. Pepper's Lonely Hearts Club Band
The Beatlesen studio albuma
Interpretea The Beatles
Argitaratze-data 1967ko ekainaren 2a
Grabazioa Abbey Road Studios
Diskoetxea Capitol Records eta Parlophone
Ekoizlea George Martin
Generoa psychedelic rock, proto-prog, Art rock eta Pop barroko
Hizkuntza ingeles
Kantu zerrenda
  1. Sgt. Pepper's Lonely Hearts Club Band
  2. With A Little Help From My Friends
  3. Lucy in the Sky with Diamonds
  4. Getting Better
  5. Fixing a Hole
  6. She's Leaving Home
  7. Being for the Benefit of Mr. Kite!
  8. Within You Without You
  9. When I'm Sixty-Four
  10. Lovely Rita
  11. Good Morning Good Morning
  12. A Day in the Life
  13. Sgt. Pepper’s Lonely Hearts Club Band (Reprise)
The Beatlesen kronologia
Revolver Sgt. Pepper's Lonely Hearts Club Band Magical Mystery Tour

Sgt. Pepper's Lonely Hearts Club Band The Beatles taldearen zortzigarren estudioko musika diska da. 1967ko maiatzaren 26an argitaratu zen Erresuma Batuan eta ekainaren 2an Ameriketako Estatu Batuetan eta berehala izan zen arrakasta komertzial eta kritiko handia. Erresuma Batuko salmenten zerrendan 27 aste eman zituen lehen postuan eta 15 astez egin zuen berdina AEBn. Albumaren kritikarien laudorioak jaso zituen musikaren produkzioan egondako berrikuntzak direla eta, abestien konposizioak zirela eta eta diseinu grafiko berritzaileagatik. Lau Grammy sari jaso zituen 1968an, "Urteko Albuma" saria barne, lehenengo rock diska sari hau jasotzen.

1966ko abuztuan The Beatles taldeak zuzeneko kontzertuak utzi eta hiru hilabeteko oporrak hartu zituzten diska berria grabatzeko. Londonera bidean zeudela azaroan, Paul McCartneyk Eduardiar Aroan oinarritutako banda militar baten kontzeptua erditu zuen, Sgt. Pepper diskaren ideia zentrala izango zena. 1966ko azaroaren 24an hasi ziren grabatzen Abbey Road Studio Two estudioan, bi lanekin: Strawberry Fields Forever eta Penny Lane. EMI ekoiztetxeak, ordea, presioa egin zien bi abesti horiek single bikoitz gisa ekoizteko eta ez ziren sartu bukaerako albumean.

1967ko otsailean Sgt. Pepper's Lonely Hearts Club Band abestia grabatu zuten eta McCartneyk proposatu zuen album oso bat egitea fikziozko banda horrek joko balu bezala. Alter ego talde bat bezalakoa izan zen, eta esperimentazio musikala egitea baimendi zien. Grabazioan zehar, taldeak Revolver diskarekin egindako ikerketa teknologikoan gora gin zuten. Bazekiten diska zuzenean jo beharko zutela eta, horregatik, abestien konposizio eta grabazioan kontuan hartu zuten, adibidez With a Little Help from My Friends, Lucy in the Sky with Diamonds eta A Day in the Life abestietan. George Martin produktoreak eta Geoff Emerick soinu-ingeniariak berrikuntza ugari egin zituzten grabaketa-estudioan: soinuaren seinale prozesaketa guztiz berritzailea sartu zuten eta 40 kidez osatutako orkestra bat sartu zuten crescendoak han-hemenka sartuz. 1967ko apirilaren 21ean bukatu zuten grabazioa. Diskaren azalan figura historikoak eta alegorikoak agertzen dira eta Peter Blake eta Jann Haworth pop-artista britainiarek egin zuten.

Sgt. Pepper album kontzeptualen aurrekari gisa hartzen dute musikologoek, musika popularraren garapena ekarri zuena, hala nola The Beatles taldearen heldutasun artistikoa. Rock progresiboa garatzen lagundu zuen lehenengo rock LPen artean aipatzen da, eta Albumen Garaiaren hasiera markatzen duela esan ohi da. Psikodelia britainiarreko lan garrantzitsua, hainbat estilo ezberdin nahasten ditu, hala nola vaudeville, zirku, music hall, avant-garde eta Menbaldeko zein Indiako musika tradizioko elementuak. 2003an Ameriketako Estatu Batuetako Kongresuko Liburutegiak diska National Recording Registryn sartu zuen, bere balio "kultural, historiko eta estetiko nabarmena" zela eta. Urte horretan bertan Rolling Stone aldizkariak "Historiako 500 diskarik onenen" zerrenda sartu zuen. 2011. urterako 32 milioi kopia saldu zituen mundu osoan zehar, historiako salmenarik onenen artean dagoena. Kevion J. Dettmar irakaslearen ustez "inoiz grabatu den rock&roll diska influente eta garrantzitsuena da"

Kanten zerrenda[aldatu | aldatu iturburu kodea]

Jatorrizko diskak kanten zerrenda bera AEBn eta Erresuma Batuan zituen The Beatlesen lehen diska izan zen.

All songs written and composed by Lennon–McCartney "Within You Without You" ezik, George Harrisonek idatzia. 

Bat aldea
Zbka. Izenburua Ahots nagusiak Iraupena
1. "Sgt. Pepper's Lonely Hearts Club Band"   McCartney 2:02
2. "With a Little Help from My Friends"   Starr 2:44
3. "Lucy in the Sky with Diamonds"   Lennon 3:28
4. "Getting Better"   McCartney 2:48
5. "Fixing a Hole"   McCartney 2:36
6. "She's Leaving Home"   McCartney with Lennon 3:35
7. "Being for the Benefit of Mr. Kite!"   Lennon 2:37
Bi aldea
Zbka. Izenburua Ahots nagusia Iraupena
1. "Within You Without You"   Harrison 5:04
2. "When I'm Sixty-Four"   McCartney 2:37
3. "Lovely Rita"   McCartney 2:42
4. "Good Morning Good Morning"   Lennon 2:41
5. "Sgt. Pepper's Lonely Hearts Club Band (Reprise)"   Lennon, McCartney eta Harrison 1:19
6. "A Day in the Life"   Lennon and McCartney 5:39
Iraupen osoa:
39:52