Simon Poidevin
| Simon Poidevin | |||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
 | |||||||||||||||||||||||||||
| Bizitza | |||||||||||||||||||||||||||
| Jaiotza | Goulburn, 1958ko urriaren 31 (67 urte) | ||||||||||||||||||||||||||
| Herrialdea |  Australia | ||||||||||||||||||||||||||
| Hezkuntza | |||||||||||||||||||||||||||
| Heziketa | Hegoaldeko Gales Berriko Unibertsitatea St Patrick's College, Goulburn (en)  | ||||||||||||||||||||||||||
| Jarduerak | |||||||||||||||||||||||||||
| Jarduerak | hamabosteko errugbilaria | ||||||||||||||||||||||||||
| |||||||||||||||||||||||||||
| Posizio edo espezialitatea | hirugarren lerroko hegala | ||||||||||||||||||||||||||
| Jasotako sariak | |||||||||||||||||||||||||||
Simon Paul Poidevin (Goulburn, Hegoaldeko Gales Berria, 1958ko urriaren 31) australiar errugbilari ohia da, hirugarren lerroko hegal postuan aritzen zena. 59 aldiz jokatu zuen Australiako errugbi selekzioarekin eta, besteak beste, 1991ko Munduko Errugbi Kopa irabazi zuen.[1]
Bizitza
[aldatu | aldatu iturburu kodea]Simon Paul Poidevin Goulburnen jaio zen, Hegoaldeko Gales Berrian, 1958ko urriaren 31n. Hamahiruko errugbin hasi zen jokatzen Goulburneko Our Lady of Mercy eskolan, baina hamabostekora pasatu zen St Patrick's Collegera aldatu zelarik. Goulburn Rugby Union taldean jokatu zuen ondoren, eta baita baita Hegoaldeko Gales Berriko Unibertsitateko errugbi taldean ere. 1982an, Randwickek kontratatu zuen;[2] bertan, besteak beste, David Campese izan zuen taldekide. 1983an graduatu zen unibertsitatean.
1980an egin zuen debuta Australiako errugbi selekzioarekin, Suvan, Fijiren aurka. Urte berean, Bledisloe Kopa hiru partida jokatu zituen Zeelanda Berriaren aurka.[1] 1984an, Slam Handia lortu zuen talde nazionalarekin, Ingalaterra, Eskozia, Gales eta Irlanda mendean hartuta Ipar hemisferion egindako biran.
1986an, min harturik zegoen Andrew Slack ordezkatu zuen Australiako kapitain gisa. Hurrengo urtean, Australian eta Zeelanda Berrian jokatutako Munduko Errugbi Kopan parte hartu zuen. 1988an selekzioa utzi arren, 1991ko Munduko Errugbi Kopa jokatzeko itzuli zen, eta baita irabazi ere. Izan ere, Munduko Kopako finala, Twickenham Stadiumen, Ingalaterraren aurka (12-6), izan zuen nazioarteko azken neurketa.[2]
Palmaresa
[aldatu | aldatu iturburu kodea]Australiako selekzioa
[aldatu | aldatu iturburu kodea]- 59 test-partida, 1980-1991 bitartean.
- 24 puntu (6 entsegu)
- Munduko Errugbi Kopa
- irabazlea: 1991
Erreferentziak
[aldatu | aldatu iturburu kodea]- ↑ a b Simon Poidevin. classicwallabies.com.au (kontsulta data: 2025-1-19).
- ↑ a b Simon Poidevin. Sport Australia Hall of Fame, sahof.org.au (kontsulta data: 2025-1-19).
Kanpo estekak
[aldatu | aldatu iturburu kodea]| Autoritate kontrola |
|
|---|
Datuak: Q3484422
Multimedia: Simon Poidevin / Q3484422