Streptomyces griseus
| Streptomyces griseus | |
|---|---|
 | |
| Sailkapen zientifikoa | |
| Erreinua | Bacillati |
| Filuma | Actinomycetota |
| Klasea | Actinomycetes |
| Ordena | Kitasatosporales |
| Familia | Streptomycetaceae |
| Generoa | Streptomyces |
| Espeziea | Streptomyces griseus [[|]] |
| Datu orokorrak | |
| Ostalaria | Tomate |
| Gram tindaketa | Gram positibo |
Streptomyces griseus Streptomyces generoko espezie bat da, lurzoruan ohikoa dena, nahiz eta hainbat andui itsas-hondoko sedimentuetan aurkitu diren. Bakterio Gram-positibo bat da, GC-eduki handikoa. Bestelako estreptomizetoekin batera, S. griseus antibiotiko-ekoizle oso ezaguna da, bai eta bestelako metaboliko sekundarioen ekoizle arrunta ere. Estreptomizina, bakterioetatik eratorritako lehen antibiotikoa, S. griseusetik dator. Duela gutxi, zenbait anduien genoma osoa sekuentziatu da.
S. griseusaren historia taxonomikoa eztabaidatsua da. 1914ean Krainsky-ren eskutik lehen aldiz deskribatuak izan zirenean, Actinomyces griseus modura sailkatuak izan ziren.[1] 1948an bere izena aldatua izan zen, Waksman eta Henrici-ren eskutik, Streptomyces griseusera. Esan bezala, andui hauen interesa estreptomizina ekoizteko gaitasunean dago, Yersinia pestisen eta Mycobaterium tuberculosisaren aurkako aktibitate bakterizida duelako. Estreptomizina-ekoizpen hau Selman Waksman-en laborategian aurkitua izan zen, bertan Albert Schatz-ek lan egiten zueneko garaian.[2]
Erreferentziak[aldatu | aldatu iturburu kodea]
- ↑ Krainsky, A (1914). "Die Aktinomyceten und ihren Bedeutung in der Natur". Zentralbl Bakteriol Parasitenkd Infektionskr Hyg Abt II (alemanieraz). 41:649–688.
- ↑ Wainwright, M.. (1991). «Streptomycin: discovery and resultant controversy» History and Philosophy of the Life Sciences 13 (1): 97–124. ISSN 0391-9714. PMID 1882032. (Noiz kontsultatua: 2020-02-12).
Ikus, gainera[aldatu | aldatu iturburu kodea]
| Autoritate kontrola |
|
|---|
Datuak: Q7623385
Multimedia: Streptomyces griseus / Q7623385
Espezieak: Streptomyces griseus