Tony Berlant
| Tony Berlant | |
|---|---|
| Bizitza | |
| Jaiotza | New York, 1941eko abuztuaren 7a (82 urte) |
| Herrialdea |  Ameriketako Estatu Batuak |
| Familia | |
| Seme-alabak | ikusi
|
| Hezkuntza | |
| Heziketa | Kaliforniako Unibertsitatea Los Angelesen |
| Hizkuntzak | ingelesa |
| Jarduerak | |
| Jarduerak | margolaria eta eskultorea |
| Lantokia(k) | Los Angeles |
| Izengoitia(k) | Berlant, Tony |
Tony Berlant (New York, AEB, 1941 -) estatubatuar artista da.
Biografia[aldatu | aldatu iturburu kodea]
UCLA Unibertsitatean egin zituen ikasketak. 1963an lortu zuen Margolaritzako master-titulua, eta, hurrengo urtean, Eskulturakoa. Ikasle-garaian, collageak egiteko zaletasuna erakutsi zuen. Veneziara aldatu zen, eta han ari zela aurkitu zuen bere karrera ezaugarritu zuen materiala, metala, hain zuzen ere. Harrezkero, eztainua erabiltzen du piezak eraikitzeko, koloreen arabera ordenaturiko pilak osatuz. Berlanten iritzian, zoragarria da bazter utzitako materialak bildu, eta haiek erabiliz bitxiak egitea. Ez ditu piezak margotzen eta eraldatzen, baina egin ahal dituen aldaketa gehienak egiten ditu gainerakoan, materialek haien jatorria adierazi ordez zerbait berria osa dezaten, beste zerbait izan daitezen.
Bestalde, eta haurretatik bildumazale amorratua izaki, navajoen oihalen bilduma bikaina osatu du. Haren ustez, benetako bitxiak izatez gainera, egileen sinesmenak, bizimodua eta abar islatzen dituzte. 1980az gero, zenbait obra publiko handi egin ditu, Los Angelesko metrorako, San Franciscoko aireporturako eta Minneapolisko Arte Instituturako, besteak beste.
Berlanten obrak Estatu Batuetako hainbat museotan eta galeriatan izan dira ikusgai.
Kanpo estekak[aldatu | aldatu iturburu kodea]
- (Ingelesez) LA Louver galeriako Tony Berlanten atala
Erreferentziak[aldatu | aldatu iturburu kodea]
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
Datuak: Q12268066
Multimedia: Tony Berlant / Q12268066