Topic

Topic
	Irudi gehiago
Kokapena
Herrialdea	Euskal Herria
Probintzia	Gipuzkoa
Udalerria	Tolosa
Koordenatuak	43°08′17″N 2°04′29″W / 43.138156°N 2.074854°W
Historia eta erabilera
Irekiera	2009ko azaroaren 26a
Inaugurazioa	2009ko azaroaren 26a
Kontaktua
Helbidea	Plaza de Euskal Herria
E-posta	mailto:cit@cittolosa.com
Telefonoa	tel:+34-943-65-04-14
	Webgune ofiziala

Topic, Tolosako Nazioarteko Txotxongiloen Zentroa, Txotxongiloen arte eta ogibideari eskainitako zentroa da. Bere helburua txotxongiloen artea sustatzea, zabaltzea, dokumentatzea eta ikertzea da, baita birziklapen profesionala eta formakuntza. Beraz, txotxongilo ondarearen kontserbazioaz gain hauekin zerikusia duen edozertaz arduratzen da. Zentroa Txotxongilolarien arteari eskainitako Europa guztiko bakarra da. Topic (ingelesezko akronimoaren errferentzia, Tolosa Puppet Intrenational Center) Tolosako Ekinbide Etxeak kudeatzen du eta arlo ezberdinetako pertsonaiak osatzen duten aholkularitza kontseilu batek.^[1].

Eraikina[aldatu | aldatu iturburu kodea]

Tolosako Alde Zaharran dago, Euskal Herria plazaren 1. zenbakian. Plaza bereko Justizia jauregia eraikina dertzonan kokatzen da. Eraikin hau XIX. mende erdialdean sortu zen (1853 inguruan), justizia jauregi gisa Tolosa Gipuzkoako hiriburu zenean. Unanue eta Eskoriatza arkitektoak dira eraikinaren egileak. Estilo neoklasikoan egina dago. Arkuteri batek eta bi solairuk osatzen dute eraikina, erlojudun erlaitz batez amaitua. Gerra zibilaren garaian gerra presoen kartzela moduan erabili zen. Bertan egon zen Iparragirre espetxeratua. 2007an birgaitze lanak egin zituzten gaur egungo Topic museoa eraikitzeko. Horretarako eraikina eraitsi zuten, eraikinaren kanpoaldea bakarrik utzi zutelarik zutik Euskadiko ondare kultural gisa izendatua egonagatik.

Eraikinaren barrualdeari dagokionez beheko solairuan kokatzen da antzokia, baliabide tekniko onenez osatua, 250 ikusle sartzen dira bertan. Honetaz gain entsegu eta sormen areto bat du. Bigarren solairuan museoa kokatzen da aldi baterako erakusketa eta erakusketa iraunkorraz osatua. Ikuspuntu museologikoak Daniel Freixas arkitekto katalanarekin zerikusi handia izan du, hau arriskatua eta erakargarria izanik, hau museoetan aditua izanik. Magia, ispilu eta mapekin jolasten du mundu guztiko txotxongiloak bizi diren biltegi handi baten itxura emanez, hauen teknika ezberdina erakutsiz eta egileei buruzko informazioa emanez. Bere zabalpen lana Titirijaiean dagoeneko hasi zeukaten argitaratze lerroarekin osatzen da. Hirugarren solairuan dokumentazio eta ikerketa zentroa kokatzen da. Bertako edukiak (argazkiak, dokumentuak, bideoak, etab.) guztiz digitalizatuak izan dira eta web-orrian edo zentroan bertan kontsulta daitezke. Tailerrak ere solairu berean daude. Hauek formakuntzan oinarritzen dira, bai adituena, irakasleena eta haurrena. Artista eta ikertzaileentzako erresidentzia bat ere badu.

Historia[aldatu | aldatu iturburu kodea]

1982. urtean, Tolosako Ekinbide Etxeak Titirijai, txotxongiloen nazioarteko jaialdia sortu zuen. Jaialdi txiki hori gorpuzten joan zen eta arrakastatsua bilakatu zen. Titirijai horren arrakasta baliatuta sortu zen Topic, nazioarteko txotxongilo zentroa, sortzeko asmoa.

Kronologia[aldatu | aldatu iturburu kodea]

1987. Lehenengo egitasmoa aurkezten da eta kokapen posibleak kontuan hartzen dira. Horien artean, Aranburu Jauregia, Arkauteko txaleta, Ertzaintzaren egoitza zaharra edo Tolosako Kasinoa.
1999. Tolosako Udalak Euskal Herria plazako Justizia Jauregirako aurreproiektu bat enkargatzen du.
2005-2006. Lehiaketan publikoan Anton Pagola Arkitektoaren proiektuak irabazten du.
2007-2009. Lanak egiten dira.
2017ko maiatzaren 6a. Tolosako Ekinbide Etxearen 50. urteurrenaren ospakizuna TOPIC zentroan. Egun horretan Onda Vasca Irratiak “Nunca serás tan joven” irratisaioaren grabaketa egin zuen.^[2].

Zerbitzuak[aldatu | aldatu iturburu kodea]

Museoa: erakusketa iraunkorra eta aldi baterakoak.
Mediateka: digitalizatutako dokumentaziogunea.
Antzokia; 250 ikuslerentzako espazio eszenikoa. Eszenatokia biratu daiteke.
Entsegu eta ekoizpen gela.
Tailerrak eta ikasgelak.
Artista eta ikerlarientzat egoitza.
Denda.

Aldi baterako erakusketak[aldatu | aldatu iturburu kodea]

Eszenak eta Istorioak: Speeltheater Holland Studio
Txotxongilo animatuak
Búho & Maravillas, 30 urteko ibilbidea

Art Toysen unibertsoaren zeharko bidai bat
Barriga Verde. Feriaz feria.
Yase Tamam
Eroen Ontzia.Joan Baixas.
Jolasa eta txotxongiloak. Topic eta Binefarreko txotxongilolarien arteko elkarlana da.
Hari guztiak eskuan. Damiet Van Dalsum Konpainia.
Indiar ahozko tradizioko Maskara.Txotxongilo eta scroll.
Vietnameko uraren gaineko txotxongiloak.
Politxinelaren ibilbideak
Txotxongilo Taldea
Mariona Masgrau
Ni Pinotxo naiz
Maskarak Gelede eta Efe
Arketal Taldea
Titiriteros de Binéfar
Colorin
Panpiña bizdunak
Indonesia, Wajang Golek
Txina, tradizioan zeharreko pertsonaiak
Maliko txotxongiloak