Veena Sahajwalla

Wikipedia, Entziklopedia askea
Veena Sahajwalla
Veena Sahajwalla, May 2013.jpg
Bizitza
JaiotzaMumbai, XX. mendea
Herrialdea Australia
Hezkuntza
HeziketaIndian Institute of Technology Kanpur (en) Itzuli 1986) Bachelor of Technology (en) Itzuli : Metalurgia, Materialen zientzia
Columbia Britainiarreko Unibertsitatea master
Michigango Unibertsitatea Ph.D. : Materialen zientzia
Hizkuntzakingelesa
Jarduerak
Jarduerakzientzialaria eta asmatzailea
Enplegatzailea(k)Hegoaldeko Gales Berriko Unibertsitatea
Jasotako sariak

Twitter: veenasahajwalla LinkedIn: veena-sahajwalla-3a79b420 Edit the value on Wikidata

Veena Sahajwalla (Mumbay, India, XX. mendea) zientzialaria, ikertzailea, asmatzailea eta materialen zientzia-irakaslea da Hegoaldeko Gales Berriko Unibertsitatean (Australia). Material Jasangarrien Ikerketa eta Teknologiarako SM@RT Zentroko zuzendaria da eta Australiako Ikerketa Kontseiluko kide saritua.[1]

Sahajwalla ezaguna da Australiako Klimaren Kontseiluan zinegotzi gisa eta ABC kateko "The New Inventors" telebista-programan epaile gisa duen rolagatik.[2] Sahajwalla mandatari ere aritu zen desagertutako Australiako Klimaren Batzordean.[3]

Lorpenak[aldatu | aldatu iturburu kodea]

Sahajwalla «Green Steel/Altzairu berdea»ren asmatzailea da nazioartean.[4]

Sahajwallaren ikerketa ezaguna da karbonoa duten materialen (ikatza, kokea, grafitoa, plastikoa eta kautxua barne) propietateak ulertzeko modua aldatzen baitu. Sahajwallaren lanak eragin nabarmena izan du burdinaren, altzairuaren eta zeramikaren fabrikazioko industrien eragiketen oinarria osatzen duten teorian eta praktiketan. Bereziki garrantzitsua da plastikoek eta hondakin-kautxuek, neurri batean, ikatza eta kokea ordezka ditzaketela altzairuaren fabrikazioan.[5]

Tenperatura altuko kondizioetan karbonoaren propietateen bilakaeran Sahajwallak duen ikuspegi bakarrak, materialen prozesamenduaren ulermen zientifikoa hobetzeaz gain, aukera errentagarriak eman ditu industriek ingurumena errespetatzen duten ekoizpen-metodo jasangarriak lortzeko.[6]

Ohoreak eta sariak[aldatu | aldatu iturburu kodea]

2008an, Sahajwalla Ingeniaritza Zientzietarako Urteko Zientzialari izendatu zuen NSWko Zientzialari Buruaren Gobernu Bulegoak.[7]

2011n, Nokiaren Enpresa Berrikuntzaren Saria jaso zuen Sahajwallak, Negozioetako Emakumeen Telstra Sarietan aurkeztua.[8]

2012an, Banksia Ingurumen Fundazioaren GE Berrikuntzaren Saria jaso zuen Sahajwallak.[9]

2012an, Sahajwallak «Australian Innovation Challenge» saria irabazi zuen, kautxu birziklatuzko pneumatikoak altzairu bihurtutako lan iraultzailea saritzeko.[10]

2013an, Sahajwallak «AIST Howe Memorial Lecture» saria jaso zuen.[11]

Sahajwallak 2015. urteko Eragin handieneko 100 emakume australiarren arteko Berrikuntzaren Kategoria saria irabazi zuen.[12]

2016. urtean, Sahajwalla finalista izan zen NSWren «Premier de NSW» sariketan, Urteko Emakumearen sarietan.[13]

2018an, Australiako Zientzia Akademiako (FAA) kide hautatu zuten.[14]

Erreferentziak[aldatu | aldatu iturburu kodea]

  1. «SMaRT@UNSW | Sustainable Materials Research & Technology» www.smart.unsw.edu.au.
  2. Veena Sahajwalla. Climate Council.
  3. Professor Veena Sahajwalla joins the climate commission. Australian Government 7 May 2012.
  4. 'Green steel' from old rubber tyres produces no waste or toxic fumes. CRC Association 2 May 2014.
  5. Win win, as waste becomes a resource for industry – The Science Show. ABC Radio National 19 de julio de 2014.
  6. Feature Article – May 2013 OneSteel. Australian Research Council 10 May 2013.
  7. Past Winners – NSW Chief Scientist & Engineer. NSW Government 29 de abril de 2014.
  8. 2011 National Awards Winners. Telstra Business Women's Awards.
  9. 2012 Winner & Finalists. Banksia Foundation 18 de agosto de 2013.
  10. Nadin, Mitchell. (12 de diciembre de 2012). «The Innovation Challenge winner could change steel-making forever» The Australian.
  11. AIST Howe Memorial Lecture. Association for Iron & Steel.
  12. «100 Women of Influence 2015» 100 Women of Influence (Australian Financial Review).
  13. «NSW Premier's Award for Woman of the Year Finalists 2016» Health Women NSW (women.nsw.gov.au).
  14. «Professor Veena Sahajwalla» www.science.org.au.

Kanpo estekak[aldatu | aldatu iturburu kodea]