Xabier Etxeberria Ezponda

Xabier Etxeberria Ezponda
	; (2019) Irudi gehiago
Bizitza
Jaiotza	Iruñea, 1948ko martxoaren 2a (76 urte)
Herrialdea	Nafarroa Garaia, Euskal Herria
Hezkuntza
Heziketa	Madrilgo Complutense Unibertsitatea ; Parisko Unibertsitatea I - Panthéon-Sorbonne
Hezkuntza-maila	doktoretza
Hizkuntzak	gaztelania
Jarduerak
Jarduerak	unibertsitateko irakaslea, filosofoa, saiakeragilea eta idazlea
Enplegatzailea(k)	Madrilgo Unibertsitate Politeknikoa ; Zientzia Ikerketen Kontseilu Nagusia ; Euskal Herriko Unibertsitatea ; Ikerbasque (2008ko otsailaren 1a - 2018ko abenduaren 31)
Jasotako sariak	ikusi Anagrama Essay Prize (1995) ; Espainiako Saiakera Sari Nazionala (2000) ; Euskadi Ikerkuntza Saria (1997) ;

Artikulu hau filosofoari buruzkoa da; beste esanahietarako, ikus «Xabier Etxeberria».

Xabier Etxeberria Ezponda (Iruñea, Nafarroa, 1948) nafar filosofo, matematikari eta ikertzailea da.

Biografia

Filosofian doktore eta Matematiketan lizentziatua Madrilgo Unibertsitate Complutensean. Madrilgo Unibertsitate Politeknikoan (1972-1974) eta Euskal Herriko Unibertsitatean irakasle izandakoa (1979-1996). Europako hainbat Unibertsitate eta Ikerketa Zentrotan egin ditu egonaldi akademikoak (Paris, Brusela, Hannover eta Urbana-Champaign). 1986az geroztik, Logika eta Zientziaren Filosofia katedraduna da, eta 1996az geroztik Espainiako CSICeko (Consejo Superior de Investigaciones Científicas) Filosofia Institutuan Ikerketa irakaslea, Filosofia, Zientzia, Teknologia eta Gizarte ataletan. 1993az geroztik, Espainiako Logika, Metodologia eta Zientziaren Filosofia Elkarteko buru da, eta 1983tik 1992ra Zientzien Historiaren Espainiako Elkarteko presidenteorde izan zen. Gai horiez diharduen Theoria aldizkariaren editore ere bada.

Bere bibliografia zabalean lan hauek nabarmen daitezke: Introducción a la metodología de la Ciencia: la filosofía en el siglo XX (1989), Filosofía para princesas (1989), Nuevos ensayos sobre el entendimiento humano (1992), Calculemos: matemáticas y libertad (1996) eta Sobre el juego (1997). Azken urteotan teknologia berriek eta informazioaren gizarteak jendartean duten eragina ikertu ditu gehienbat, eta gai horri lotutako trilogia arrakastatsu eta saritua eman du argitara: Telépolis (1994), Anagrama saria lortu zuen Cosmopolitas domésticos (1995), eta Los señores del aire (1999). Azken lan horri esker, Espainiako Saiakera Sari Nazionala eman zioten 2000. urtean.

Sariak

Anagrama Essay Prize (1995)
Euskadi Ikerkuntza Saria (1997)^[1]
Espainiako Saiakera Sari Nazionala (2000)

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/26 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

↑ «Echeverria Ezponda, Javier - Auñamendi Eusko Entziklopedia» aunamendi.eusko-ikaskuntza.eus (Noiz kontsultatua: 2021-01-23).

Kanpo estekak

Datuak: Q3163142
Multimedia: Javier Echeverría / Q3163142

[1] «Echeverria Ezponda, Javier - Auñamendi Eusko Entziklopedia» aunamendi.eusko-ikaskuntza.eus (Noiz kontsultatua: 2021-01-23).

[1]