Yeu

Koordenatuak: 46°42′40″N 2°21′00″W / 46.7111°N 2.35°W / 46.7111; -2.35
Wikipedia, Entziklopedia askea
Yeu

Uhartearen ikuspegia
Bertako izenaÎle d'Yeu
Geografia
KokapenaBizkaiko golkoa
Azalera23,32 km²
Punturik garaienaItsasargia
Politika
Herrialdea Frantzia
EskualdeaLoirerria
DepartamenduaVendée
UdalerriaL'Île-d'Yeu
Hiri populatuenaPort-Joinville
Hiri populatuenaren biztanleria2.000 bizt.
Gizartea
Biztanleria4.575 biztanle (2012)
Dentsitatea196,18 biz./km2

Yeu uhartea (frantsesez: Île d'Yeu) Loirerriako kostaldean dagoen uhartea da, L'Île-d'Yeu udalerria osatzen duena. Poitou eskualdean kokaturik, uharteak 9,5 kilometroko luzera eta 4 kilometroko zabalera ditu, eta 2012an 4.575 biztanle zituen (196,18 biz./km²).

Bi arrantza-portu ditu, Port-Joinville iparraldean eta Port de la Meule hegoaldean, atun eta misera harrapatzeagatik ezagunak direnak.

Bertara ailegatzeko modu bi daude: ferryz Fromentinetik (La Barre-de-Monts) edota Saint-Gilles-Croix-de-Vietik edo hegazkinez Île d'Yeuko aireporturaino (IATA: IDY, ICAO: LFEY), Nantesko aireportutik hegaldi komertzialak dituena.

Historia[aldatu | aldatu iturburu kodea]

Neoliton jada biztanleak zituen, bertan dolmenak eta menhirrak daudelako.[1] Bangorretik etorritako monjek San Hilarioren monasterioa eraki zuten, bikingoek arpilatua izan zena. X. mendean Marmoutierreko eta Poitiersko monjek beste monasterio bat eraiki zuten.

XIX. mendean hainbat artisten bizileku bilakatu zen: Jean Rigaud (1912–1999) margolaria, Maurice Boitel (1919–2007). Jean Dufy (1888-1964), Marc-Adolphe Guégan (1891–1959) poeta eta abar.

Frantziako Gobernuak presondegi moduan erabili zuen uhartea. Philippe Pétain mariskala 1951n bertan hil zen eta bertan lurperatuta dago. Zenbait ETAko kideak (besteak beste Jose Miguel Beñaran Ordeñana —Argala) bertan deportatuak izan ziren.[2]

Erreferentziak[aldatu | aldatu iturburu kodea]

Kanpo estekak[aldatu | aldatu iturburu kodea]