El País

Wikipedia, Entziklopedia askea
Jump to navigation Jump to search
El País
El País
Mota informazio orokorra
Lehen zenbakia 1979ko maiatzaren 4a
Banatze lurraldea Espainia
Argitaratze hiria Madril
Hizkuntza gaztelania
Maiztasuna egunero
Argitaratzea goizez
Argitaletxea Grupo PRISA
Sortzailea Jesús Polanco eta Juan Luis Cebrián
Zuzendaria Javier Moreno
www.elpais.com

El País informazio orokorreko egunkari espainiar salduena da. Bulego nagusia Madrilen dauka baina edizio eta ordezkaritzak, Espainiako erkidego guztietan. Franco hil eta 5 hilabetera sortu zen eta trantsizioan garrantzi handia izan zuen.

1980ko hamarkadan, Espainiako egunkari salduena bihurtu zen, ABC bigarren lekuan utzirik. Pentsamendu politikoari dagokionez, ezker moderatuaren inguruan kokatu ohi da.

Edizio estatalaz gain, edizio internazionala ere badu, Amerika Latinan inprimitu eta banatzen dena. Bestetik, edizio digitala dago, elpais.com, munduko gaztelerazko egunkaririk ikusiena da, 2016an 11.618.000 erabiltzaile baitzituen. Sare sozialetan duen presentzia ere nabaria da, Facebook-en 4.000.000 jarraitzaile ditu eta Twitter-en, berriz, 6.000.000 baino gehiago.

Hiru gizonek (José Ortega Spottorno, Jesús de Polanco y Juan Luis Cebrián) fundatu zuten egunkaria. El País PRISA talde mediatikoaren jabetzakoa da.

Hedapena[aldatu | aldatu iturburu kodea]

Paperezko euskarriari dagokionez, OJD-ren arabera, El País-ek batez beste 231.140 egunkari jartzen ditu salmentan eta horietatik 180.765 saltzen ditu, 2016ko uztailetik 2017ko ekainerarte egin zen neurketaren arabera. Euskal Autonomia Erkidegoko edizioan, berriz, egunkariak batez beste 7.627ko hedapena du. Astelehenetatik larunbatetara egunkariaren tirada 172.513koa da eta igandeetakoa 229.857, Estatu mailan. Euskal Autonomia Erkidegoko edizioari dagokionez, astean (astelehena-larunbata) 6.436 ale eta igandeetan 15.035.

Egitura[aldatu | aldatu iturburu kodea]

Ediciones El País S.L. enpresak argitaratzen du El País. Enpresa honen jabea, aldi berean, PRISA da.

PRISA taldea (Promotora de Informaciones Sociedad Anónima) Espainian sortutako multimedia enpresa-taldea da. Europako eta Hispanoamerikako hogeita bi estatuetan du presentzia. Talde barruan daude prentsako hedabideak, irrati kateak eta argitaletxeak. Adibidez: El País, Los 40 principales, Grupo Santillana,Cinco Días, Cadena Ser, Diario As talde honetakoak dira.

2016an PRISAren akziodun nagusiak ziren:

1.    Amber Capital UK LLP (19,29%)

2.    Rucandio SA, familia Polanco (17,53%)

3.    Telefónica SA (13,06%)

4.    International Media Group SARL, del sultán catarí Ghanim Al Hodaifi Al Kuwari19​ (8,17%)

5.    GHO Networks SA de CV, Roberto Alcántara Rojas20​ (8,04%)

6.    HSBC Holdings PLC (7,46%)

7.    Banco Santander SA (4,19%)

8.    Fundación Bancaria Caixa d'estalvis y Pensions de Barcelona (3,83%)

9.    Nicolas Berggruen (1,22%)

El País egunkariaren zuzendaria Antoni Caño da eta David Alandete, Luís Bassets eta José Manuel Calvo zuendariordeak. Bestetik, El País-ek korrespontsaliak ditu ia Europako hiri guztietan, Paris (Marc Bassets), Erroma (Daniel Verdú), Latinoamerikako hiri nagusietan, Kolonbia (Francesco Manetto), Washington (Jan Martínez Ahrens). Txinan (Pekin), Israelen (Jerusalem), Marokon (Rabat) eta Arabar Emirreri Batuetan (Dubai) ere aurkitzen dira berriemaileak (2018).

PRISA taldearen zuzendaritza honako hauek osatzen dute (2018):

-Presidentea: Manuel Polanco Moreno

-Zuzendari exekutiboa: D. Jose Luis Sainz Diaz

-Finantza-zuzendaria: D. Guillermo de Juanes

-Argitaletxe zuzendaria: D. Augusto Delkader

-Komunikazio eta Harreman Instituzionalen zuzendaria: D. Jorge Rivera

-Prisa Berrien kontseilu delegatua: D. Alejandro Martínez Peón

Negozio Eredua[aldatu | aldatu iturburu kodea]

El País egunkariaren salmenta prezioa 1,50€-ekoa da. Aldiz, edizio digitaleko material guztia dohainik da, irakurleak ez du ezer ordaindu behar informazioa irakurtzeko. Hiru  harpidetza mota ezberdin daude (2018):

1.     Fin de semana: hilero 12,50€. Egunkaria eta bere osagarriak asteburuetan soilik.

2.     Premium: egunero 1,06€. Egunkaria gehi dituen gehigarri guztiak astelehenetatik iganderarte.

3.     Digital. 11,99€. Egunkaria eta dituen gehigarri guztiak gailu elektronikoetan izateko aukera.

El País egunkariak publizitatetik lortzen ditu diru sarrera gehienak, %60a zehazki (2017). Paperezko euskarrian publizitate sarrera gehiago dituzte, digitalean baino. 

2017. urtearen lehen hiruhilekoan El País-eko paperezko euskarriak %20ko galerak izan zituen diru sarreretan. Ostera, edizio digitaletik lortzen diren diru sarrerek %15eko igoera izan zuten. Beraz, El País-ek paperezko euskarriarekin gero eta diru sarrera gutxiago lortzen dituen heinean edizio digitaletik lortzen duenarekin orekatzea lortzen du. El País-ek 16,4 milioi eurotako sarrerak izan zituen, horietatik 7,5 milioi (%45) euskarri digitaletik lortu ziren.

Prisa talde mediatikoak 21,9 milioi eurotako irabaziak (garbiak) izan zituen 2017ko lehen hiruhilekoan, aurreko urtean, aldiz, 13 milio eurotakoak izan ziren. Irabaziak, PRISAren barruan dauden enpresa zein hedabide guztiak kontuan hartuta izaten dira: prentsa, irratia, hezkuntza eta abar.

Egunkariaren webguneak ez du paywall izeneko sistemarik erabiltzen, baina bai ematen dio irakurleari kiosko digitalera sartzeko aukera. Azken hauek argitalpen digitalak saltzeko sortu diren plataformak dira. Aleen prezioak, paperearen prezioarekin konparatuz, merkeagoak dira, imprimatze eta banatze gasturik ez baitago.

Kanpo loturak[aldatu | aldatu iturburu kodea]

Wikimedia Commonsen badira fitxategi gehiago, gai hau dutenak: El País Aldatu lotura Wikidatan