Akihito
| Akihito 明仁 |
|
 |
|
|
|
|
|---|---|
| Karguan | |
| 1989ko urtarrilaren 7a-(e)tik | |
| Aurrekoa | Hirohito |
|
|
|
| Jaiotza | 1933ko abenduaren 23a (78 urte) Tokio, Japoniar Inperioa |
| Ezkontidea | Mitxiko |
| Lanbidea | Enperadorea, iktiologoa |
| Erlijioa | Xintoismoa |
Akihito, japonieraz: 明仁 (Tokio, Japonia, 1933ko abenduaren 23a) egungo Japoniako enperadorea (天皇 tennō) da, 125. enperadorea oinordekotza tradizionalaren arabera. 1989an koroatua, egungo estatu-buruen artean, "Enperadore" titulua duen bakarra da.
[aldatu] Biografia
Hirohito enperadorearen eta Nagako enperatrizaren semea da. Politika eta ekonomia ikasketak egin zituen Gakushin Unibertsitatean eta 1956. urtean graduatu zen. 1952. urtean, adin nagusitasuna iritsi zuenean, Japoniako tronurako oinordeko izendatu zuten. 1959. urtean Michiko Shodarekin ezkondu zen, Tokioko industrialari baten alabarekin. Hura izan zen Japonian erregezko bat herri xeheko kide batekin ezkondu zen lehen aldia. Bere herriko konstituzioaren aginduari jarraituz, printzea lau agintaldiz izan zen erregeorde, bere aita enperadore zela. 1989an aita hil ondoren enperadore egin zuten Tokioko jauregi inperialean eta ordutik aurrera Heisei aroa hasi zen (aberastasuna bakean). Enperadoreak ikerketa ugari egin ditu eta liburu asko argitaratu du arrainei buruz.
[aldatu] Ezkontza eta seme-alabak
1959ko apirilaren 10ean Mitxiko enperatriza ezkondu eta hiru seme-alaba izan dituzte:
- Naruhito printzea (1960ko otsailaren 23a - )
- Fumihito printzea (1965eko azaroaren 30a - )
- Sayako printzesa (1969ko apirilaren 18a - )
 |
Artikulu hau Japoniako biografia bati buruzko zirriborroa da. Wikipedia lagun dezakezu edukia osatuz. |
[aldatu] Erreferentziak
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Izan ere, egile-eskubideen jabeak, Eusko Jaurlaritzak, hiztegi horiek lizentzia librearekin laga zituen, euskal Wikipedia osatzeko proiektu baterako.
