Alain Bosquet

Alain Bosquet (Odesa, Sobietar Batasuna, 1919 - Paris, Frantzia, 1998) ukrainar jatorriko idazle frantsesa izan zen.

Biografia

Surrealismoaren eragin nabarmena du bere poesiak: Syncopes (1943), Cent notes pur une solitude (1969, Ehun ohar bakardade batentzat), Le tourment de Dieu (Jainkoaren oinazea). Azken liburu horrengatik 1987ko Goncourt Poesia saria eman zioten.

Eleberriak ere idatzi zituen: La confession mexicaine (Mexikar aitorpena, 1965eko Interallié saria), Le métier d'otage (1989, Lanbidez, bahitua); baita frantziar poesia garaikidearen inguruko saiakerak, ipuinak, antzerki-obrak eta autobiografia bat ere: Une mère russe (Errusiar ama bat). 1978ko Frantziako Akademiaren Eleberri Sari Nagusia eman zioten azken honi.

Erreferentziak

• Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Izan ere, egile-eskubideen jabeak, Eusko Jaurlaritzak, hiztegi horiek lizentzia librearekin laga zituen, euskal Wikipedia osatzeko proiektu baterako.