Auguste Piccard

Wikipedia(e)tik
Hona jo: nabigazioa, Bilatu
Auguste Piccard (1927)

Auguste Antoine Piccard (1884ko urtarrilak 28-1962ko martxoak 24), asmatzaile suitzar bat izan zen. Zurich eta Bruselako unibertsitateetan fisika irakaslea izan zen. Hergerentzat, Tintinen abenturatako Tornasol profesorearen sorrerarako inspirazioa izan zen.

Izpi kosmikoak eta atmosferako geruza garaietako estratu ionizatuak ikertu zituen. Nagusiki, argazkigilea zen bere emaztearekin, 1932an, globo batetatik zintzilikatutako kapsula batean, 15.971 metroko altuerara iritsi zelako da ezaguna. Honela, Lurraren kurbatura, ordurarte sekula ikusi ez zen bezala ikusi ahal izan zuen. 1937an, bere asmakizuna zen batiskafoa aurkeztu zuen. 1947an, lurreko sakonera handien ikerketarako bere esperientziak hasi zituen, batisfera eta batiskafo izeneko aparailuetan. 1953ko irailak 30ean, Cabo Verde inguruan, 3150 metroko sakonerara iritsi zen. Bere seme Jacques Piccard, batiskafo batean itsas sakonerarik handienera heltzen aitzindaria izan zen, 1960an, 10.916 metrora iritsiz. AEBetako itsas armadako tenientea zen Donald Walshen konpainian egin zuen, Marianetako itsas hobian. Oraindik, Lurraren tokirik sakonenera iritsi diren bi pertsona bakarrak bezala mantentzen dira. Inork ez du halako bidaiarik errepikatu. Augusten biloba den Bertrand Piccard, 1999an, Brian Jonesekin batera, eskalarik egin gabe, globoan munduari bira ematen lehena izan zen.

Commonsen badira fitxategi gehiago, gai hau dutenak: Auguste Piccard Aldatu lotura Wikidatan