Bazardüzü

Wikipedia(e)tik
Hona jo: nabigazioa, Bilatu
Bazardüzü
Bazarduzu detail.JPGMendia Shahdagetik ikusita.
Garaiera 4.466 m
Gailurra 2.454 m
Koordenatuak 41°13′16″N 47°51′29″E / 41.22111°N 47.85806°E / 41.22111; 47.85806Koordenatuak: 41°13′16″N 47°51′29″E / 41.22111°N 47.85806°E / 41.22111; 47.85806
AzerbaijanAzerbaijan, Flag of Dagestan.svg Dagestan
Mendilerroa Kaukaso Handia
Lehen igoera A. Alexandrov (1847)

Bazardüzü[1]Bazardüzü mendia bezala ere ezaguna— (azerbaijaneraz "Bazarraren, azokaren lautadaren edo zelaiaren mendia"[2]) Kaukaso Handian dagoen mendi bat da. 4.466 metroko garaierarekin Azerbaijan eta Errusiaren menpeko Dagestango mendirik altuena da.

Beraz, Europa eta Asiako mugan dago eta gaur egungo estatu errusiarraren barruko lurretako hegoaldeko muturretik oso hurbil dago.

Izenak[aldatu | aldatu iturburu kodea]

Azerbaijaneraz Bazardüzü[3], Bazar-düzü[4] edo Bazar Düzü[5] idazten da. Nazioarteko iturrietan (sarritan Europakoetan, errusierazko bertsioan oinarrituta) toponimoaren beste transkripzio batzuk ere topa daitezke: Bazar Dyuzi[6], Bazardyuzyu[7]. Errusierazko generikoarekin Gora Bazardyuzi transkribatzeko ohitura dago[8].

Mendiaren hego isurialdean bizi diren azeriarrez gain, lezgi herria bi isurialdeetan presente dago[9][10]. Bere hizkuntzan mendiak Kitxensuv du izena.

Igoera[aldatu | aldatu iturburu kodea]

Ezagutzen den lehen igoera A. Alexandrovek egin zuen 1847an. 1890ean George Yeld and G P Baker britainiarrek Dagestanetik igo zutela ere ezaguna da[11]. Altuera eta distantziarengatik mendi honetara igotzeko eskarmentu handikoa eta espedizio baten partaide izatea ia ezinbestekoa da. Azerbaijango aldetik joateko aukerari dagokionez, bidearen zati bat glaziar batetik pasatzen da. Espedizioa mendiaren ekialdean dagoen Laza (Qusar Laza) izeneko herritik hasten da; bestela ibaiaren ertzetik doan oso pista kaskarretik hurbil daiteke Xinaliqetik pasatuta; Azerbaijango lau mendi nagusietakoak diren Tufan, Bazardüzü eta Shahdagera joateko balio du.

Ondo prestatuta ere, aklimatazio aldiaren ostean bi-hiru egun behar dira igoera burutzeko; gauak kanpaina-dendetan ematen dira eta egokiena udan joatea da.[12][13]

Mendia Qəbələ hiritik ikusita.

Erreferentziak[aldatu | aldatu iturburu kodea]

Ikus, gainera[aldatu | aldatu iturburu kodea]

Kanpo loturak[aldatu | aldatu iturburu kodea]

Commonsen badira fitxategi gehiago, gai hau dutenak: Bazardüzü Aldatu lotura Wikidatan