Bostongo Arte Ederren Museoa
Bostongo Arte Ederren Museoa (ingelesez Museum of Fine Arts, Boston, MFA), Ameriketako Estatu Batuetako museorik handienetako bat da, eta mendebaldeko hemisferioko bigarren bilduma iraunkorrik handiena du, New Yorkeko Arte Museo Metropoliarrekoaren ondoren. Museoko egungo zuzendaria, Malcolm Rogers da.
1870ean sortu eta 1876an inauguratu zen, bertako bilduma asko, Bostoneko Ateneoaren arte galeriatik hartuta. Masachusets estatuko hiriburu den Bostongo Huntington Etorbidean dago 1909tik. Bere xede kontserbatzaileaz gain, museoa, arte akademia batekin elkartuta dago, Bostongo Arte Ederren Eskolarekin, hain zuzen, baita senidetutako museo batekin ere, Nagoya/Bostongo Arte Ederren Museoarekin, Japoniako Nagoia herrian.
Museo honetako lanik azpimarragarrienetako batzuk, honako hauek dira:
- Egiptoko antigoaleko gauzak, horien artean, eskulturak, sarkofagoak eta bitxiak
- Antzinako margolaritza europarra, mundu osoan ospetsuak diren lanekin: Rogier van der Weyden, Greko, Diego Velazquez, Jacob Jordaens, Rembrandt...
- Frantziako margolaritza inpresionista eta inpresionismo ostekoa, Paul Gauguinen margolanak barne. Adibidez Nondik gatoz?, Zer gara?, Nora goaz? (frantsesez D'où venons-nous? Que sommes-nous? Où allons-nous?), baita Edouard Manet, Pierre-Auguste Renoir, Edgar Degas, Claude Monet, Vincent Van Gogh eta Paul Cezannenak ere, beste batzuen artean.
- XVIII. eta XIX. mendeetako margolari estatubatuarren lanak, John Singleton Copley, Winslow Homer eta John Singer Sargenten lan asko barne.
- Japoniar zeramikazko 5000 atalez osatuta dagoen Edward S. Morse bilduma, Japoniatik kanpo dagoen japoniar lanen bildumarik handiena dena.
- Gund galeria, denbora baterako erakusketak hartzen dituena, lorategi japoniar batek, museotik kanpo, gune lasai eta erlaxagarri bat eskaintzen duen bitartean.
- Sarri, erakusketa bereziak hartzen ditu, ospetsuena, Art of Star Wars delarik (Star Warseko diseinuei buruzkoa), 2002an egin zena eta 1.652.000 bisitari erakarri zituena.
Galeria [aldatu]
-
Greko, Fray Hortensio Paravicinoren erretratua
-
Bostongo Arte Ederren Museoa, Antzinako Egiptoko objektuen bere bildumagatik da ezaguna.
